Ray sığortanın xüsusi olaraq uşaqlı ailələr üçün hazırladığı və ailə büdcəsinə qənaət edən “Baby on Board” kaskodan sonra icbari avtomobil sığortasında da həyata keçirilir. “Müştərilərimizin həyatına toxunan sığorta məhsullarımızda ən kiçik detallara belə önəm veririk. “Baby on board” məhsullarımızı da zənginləşdirməyə davam edirik”, – deyə “Ray” sığorta şirkətinin icraçı direktoru Koray Erdoğan bildirdi.
Uşaqları olan ailələrin həm büdcələrinə qənaət etmək, həm də təhlükəsiz səyahət etmələri üçün dizayn edilmiş “Baby on Board” kasko və avtomobil sığortası məhsulları 0-6 yaş arası uşağı olan ailələrə kasko paketində 25 faizə, icbari sığorta paketində isə 15 faizədək endirim təmin edir. Hər iki məhsul alınarsa, avtomobil sığortasında cəmi 25 faiz təklif edir. Standart məhsullarla insanların tələbatlarını ödəməyin çətin olduğunu ifadə edən “Ray” sığortanın icraçı direktoru Koray Erdoğan bildirdi ki, biz müştərilərimizin həyatına toxunan sığorta məhsullarımızla fərq yaratmaq üçün ən kiçik detallara belə önəm veririk. “Baby on Board” məhsullarımızı da uşaqların ehtiyaclarına yönəlmiş yardım xidmətləri ilə zənginləşdirmək üçün işlərimiz davam edir.
Yaratdığımız dəyəri paylaşırıq
Həyatımızdakı dəyərləri qorumaq məqsədilə hərəkət etdiklərini ifadə edən Ərdoğan bildirdi: “Baby on Board” məhsulumuz qurum olaraq yaratdığımız dəyəri müştərilərimiz və vətəndaşlarımızla paylaşmağımıza imkan verən xüsusi bir məhsuldur. İlk növbədə, təmin etdiyimiz qiymət üstünlüyü ilə uşaqlı ailələrin maddi yükünü müəyyən qədər azaltmaqla ev büdcəsinə yardım edirik. İkinci mərhələdə isə sığortalıya zərər dəymədiyi halda maliyyə üstünlüklərini davam etdirərək, zərərsizlik motivasiyasını daha da artırmış oluruq. Xüsusilə, uşaqlı ailələrin faydalandığı bir məhsulda belə bir təşviqin təmin edilməsi bir şirkət olaraq cəmiyyətimiz qarşısında vəzifələrimizi yerinə yetirmək üçün atdığımız vacib bir addımdır”.
Yola çıxan nəqliyyat vasitələrinin sayı artır
Ərdoğan ölkəmizdə icbari sığortanın məcburi olmasına baxmayaraq, onun 100 faizə çata bilmədiyini ifadə etdi. “Yola çıxan nəqliyyat vasitələrinin sayı gündən-günə artır. Fevral ayının məlumatlarına görə, əvvəlki illə müqayisədə yoldakı nəqliyyat vasitələrinin sayı 40 faiz artıb. Nəqliyyat vasitələrinin sayı artsa da, yol hərəkəti sığortasında eyni artımı görə bilmirik. Eynilə ölkəmizdə kaskodakı 28 faizlik sığorta nisbəti yetərli deyil. Sığorta şirkətləri olaraq avtomobil sığortasının zəruriliyini ifadə etməklə yanaşı, istifadəçilərə ənənəvi təminatlardan başqa fərqli üstünlüklər verə biləcək məhsullara marağı artırmaq mümkündür. “Ray” sığorta olaraq, “Baby on Board” məhsulumuzla bu istiqamətdə dəyərli bir töhfə verdiyimizi düşünürük”, – deyə bildirdi.
Müxtəlif peşə qrupları üçün xüsusi endirimlər mövcuddur
“Baby on Board” paketinin üstünlükləri yalnız endirimlə məhdudlaşmır. Fərdi nəqliyyat vasitələri üçün bütün ehtiyacların bir şirkətdən, sürətli və bir çox üstünlüklə qarşılana bildiyi “Baby on Board” məhsulunda müxtəlif peşə qrupları üçün xüsusi endirimlər mövcuddur. “Ray” sığortanın müqaviləli xidmət şəbəkəsinin seçilməsi isə xərclərə müsbət təsir edərək müştərilər üçün qiymət üstünlüyünü təmin edir. Bundan əlavə, sığorta paketi müddətində bir dəfə olmaqla, sığortalının zərərsizlik endiriminə təsir edəcək hər hansı bir zərər Təcili Təmir Mərkəzlərində bərpa olunarsa, vasitə zədələnməmiş sayılır. Bu da endirim haqqının daha yüksək səviyyəyə qaldırılmasına imkan verir.
Sığortalıların avtomobil şüşələrinin təmiri və dəyişdirilməsini zərərsizlik endirimi qısa müddətdə qarşılayır. Evdəki müvafiq yaş aralığındakı hər bir uşağın valideynlərinin xüsusi istifadə etdiyi nəqliyyat vasitəsi üçün endirim təmin edilməsinə əlavə olaraq, “Baby on Board” sığorta paketi sahibləri övladları 6 yaşına qədər olan dövrü zərər görmədən keçirdikdə kaskonun yenilənməsində “Baby on Board”un təqdim etdiyi endirimləri də qorumaq hüququ qazanır.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
