Aqrar sığorta eksperti olmaq istəyən baytar və aqronomların nəzərinə – YENİ TEST İMTAHANI

0
1141
Aqrar sığorta eksperti
Aqrar sığorta eksperti

Azərbaycanda aqrar sığorta eksperti olmaq istəyənlər üçün test imtahanına qeydiyyat davam edir.

İmtahanlarda iştirak etmək istəyən namizədlərin qeydiyyatı aprelin 8-dən 18 iyun saat 10-dək müraciət edə bilərlər.

Azərbaycanda dövlət tərəfindən tətbiq edilən aqrar sığorta mexanizmində müstəqil aqrar sığorta ekspertlərinin fəaliyyəti mühüm yer tutur.

Əkin sahələrinin, kənd təsərrüfatı heyvanlarının və balıqların sığortalanması zamanı ekspertlərin rəyi nəzərə alınır.

Eləcə də, sığorta hadisəsi baş verərkən hadisəni araşdırmaq və dəymiş zərəri qiymətləndirmək də müstəqil ekspertlərin vəzifəsinə aiddir.

Müstəqil aqrar sığorta ekspertlərinin xidmətləri ödənişlidir – göstərdikləri xidmət müqabilində onlara Aqrar Sığorta Fondu tərəfindən xidmət haqqı, eləcə də təsərrüfatlara baxış üçün qət etdikləri məsafəyə görə yanacaq pulu verilir.

Aqrar sığorta mexanizmi inkişaf etmiş ölkələrdə müstəqil aqrar sığorta eksperti peşəsi olduqca gəlirli fəaliyyət sahəsi sayılır. Məsələn, qardaş Türkiyədə aqrar sığorta ekspertlərinin aylıq gəliri orta hesabla 12-14 min TL arasında dəyişir.

Dövlət İmtahan Mərkəzi (DİM) tərəfindən elan edilən imtahanlarda iştirak etmək istəyən namizədlərin qeydiyyatı aprelin 8-dən iyunun 18-dək aparılacaq.

İmtahanda iştirak etmək istəyən namizədlər DİM-in internet saytında (http://ekabinet.dim.gov.az) “Şəxsi kabinet”in yaradılması və istifadə qaydası”na müvafiq olaraq “Şəxsi kabinet” yaratmalı və “Aqrar sığorta fəaliyyəti üzrə müstəqil ekspert sertifikatı almaq istəyən namizədlər üçün test imtahanına onlayn qeydiyyat” xidməti vasitəsilə qeydiyyatdan keçməlidirlər.

İmtahanda iştirak ödənişlidir, “Şəxsi kabinet” yaradan namizədlər 94.40 AZN (ƏDV daxil olmaqla) məbləğində ödəniş etməlidirlər. İmtahanda aşağıdakı ixtisaslar üzrə ali və ya orta ixtisas təhsilli şəxslər iştirak edə bilərlər:

1-ci sertifikat növü üzrə aqronomluq, bağçılıq və tərəvəzçilik və bitki mühafizəsi;

2-ci sertifikat növü üzrə baytarlıq, baytarlıq təbabəti, zootexniklik və zoomühəndislik;

3-cü sertifikat növü üzrə balıqçılıq və su bioehtiyatları və akvakultura.

İmtahanın toplanması mümkün olan ümumi bal 120-dir, 72 və daha yüksək bal toplamış namizədlər imtahandan müvəffəqiyyətlə keçmiş hesab edilir və onlar Aqrar Sığorta Fondu tərəfindən təşkil olunan təlimlərdə iştirak etmək hüququ qazanırlar.

Təlimi müvəffəqiyyətlə başa vurmuş şəxslərin siyahısı Aqrar Sığorta Fondu tərəfindən DİM-ə göndərilir və onlar təlim proqramına dair sualları əhatə edən imtahanın II mərhələsində iştirak edirlər. İmtahanın II mərhələsi haqqında məlumat təlimlər başa çatdıqdan sonra DİM-in internet səhifəsində veriləcək.

İmtahan aşağıdakı növ sertifikatların verilməsi üçün təşkil olunur:

1. Kənd təsərrüfatı bitkilərinin və bitkiçilik məhsullarının (çoxillik əkmələr də daxil olmaqla) sığortası üzrə müstəqil ekspert sertifikatı;

2. Kənd təsərrüfatı heyvanlarının və kənd təsərrüfatı məqsədilə yetişdirilən heyvanların sığortası üzrə müstəqil ekspert sertifikatı;

3. Akvakultura məhsullarının sığortası üzrə müstəqil ekspert sertifikatı.

Namizədlərin imtahana daha səmərəli hazırlaşmaları və imtahanda davranış qaydaları ilə tanış olmaları üçün aşağıdakılardan istifadə etmələri tövsiyə olunur:

Test imtahanı proqramları (http://dim.gov.az/…/c448ea7aa51b5cd082690f94896cb47b.pdf);

“Namizədin yaddaş kitabçası” – kağız daşıyıcılar vasitəsilə keçirilən test imtahanları üçün (http://dim.gov.az/…/677213a9994f790632b4425a3c62cdf0.pdf);

“Namizədin yaddaş kitabçası” – kompüter vasitəsilə keçirilən test imtahanları üçün (http://dim.gov.az/…/b9be9752556a42aa6029ae7322b094dc.pdf);

İmtahanın I mərhələsi üzrə toplanması mümkün olan ümumi (maksimal) bal 120-dir.

72 və daha yüksək bal toplamış namizədlər imtahandan müvəffəqiyyətlə keçmiş hesab edilir və onlar Aqrar Sığorta Fondu tərəfindən təşkil olunan təlimlərdə iştirak etmək hüququ qazanırlar.

İmtahanda müvəffəqiyyət qazanan namizədlər barədə məlumatlar DİM tərəfindən Aqrar Sığorta Fonduna təqdim olunur.

Təlimi müvəffəqiyyətlə başa vurmuş şəxslərin siyahısı Aqrar Sığorta Fondu tərəfindən DİM-ə göndərilir və onlar təlim proqramına dair sualları əhatə edən imtahanın II mərhələsində iştirak edirlər.

İmtahanın II mərhələsi haqqında məlumat təlimlər başa çatdıqdan sonra DİM-in internet səhifəsində veriləcəkdir.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

BIR CAVAB BURAXIN

şərhinizi daxil edin!
Buraya adınızı daxil edin