Dünya praktikasında üzü, gözü, ayaqları, hətta səsi sığortalamaq kimi hallara tez-tez rast gəlinir. Bəs Azərbaycanda necə? Bizim məşhurlar bədənlərinin hansı hissəsini sığorta etdiriblər. Və ya etdirmək arzusundadırlar?
www.sigortaliazerbaycan.com məşhurlar arasında apardığı sorğunun nəticələrini təqdim edir:
Aktrisa Cəmilə Tağızadə:
“Bütün əmlaklarımız sığorta etdirmişik. Özüm də, yoldaşım da, sığorta məsələsinə çox diqqətlə yanaşırıq. Hazırda Türkiyədə yaşadığım üçün burada icbari tibbi sığortamız da var. Tam razıyam, amma istərdim ki, əllərimi də sığorta etdirim. Oğlum dünyaya gəlməmişdən, əvvəllər incə belimi də sığorta etdirmək istəyirdim. (Gülür) İndi kökəldiyim üçün ancaq əllərimi sığorta etdirəcəyəm”.
Aktrisa Nigar Babayeva:
“Mən maşınımı icbari sığorta etdirmişəm. Vaxtı-vaxtında da ödənişlərini edirəm. Çünki bilirəm ki, bir gün belə sığortanın vaxtı keçsə, problem yarana bilər. O ki qaldı bədənimin hansısa üzvünü sığorta etdirmək istəməyimə, bədənimdə heç bir yeri sığorta etdirməzdim. Hansısa bədən üzvünü sığorta etdirmək mənə maraqlı deyil”.
Müğənni Afət Fərmanqızı:
“Həyatda nəyim var-nəyim yox hamısını sığorta etdirmişəm. Bədənimdə bircə səsimi sığorta etdirmək istərdim, onu da etdirmişəm”.
Aktyor/ssenarist Ələkbər Əliyev:
“Mən həm evimi, həm də maşınımı sığorta etdirmişəm. Hər dəfə səyahətə gedən də səyahət sığortası da etdirirəm. Ümumiyyətlə, sığortadan çox məmnunam. Bədənimin isə hər hansısa üzvünü sığorta etdirəsi olsam, beynimi etdirərdim. Çünki beynim işləməsə, ac qalaram. (Gülür)
Aktrisa Nigar Bahadurqızı:
“Keçən il həyat yoldaşım mənə maşın hədiyyə etmişdi. Maşınım sığortalıdır. Eyni zamanda icbari tibbi sığortam da var. Öz bədənimdə xüsusi olaraq haranısa sığortalamaq istəməzdim. Amma çox sevdiyim pişiklərimi sığortalamaq fikrim var”.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– İcbari sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz –
