İcbari tibbi sığortanın tətbiq olunduğu tibb müəssisələrinin heyətinə maliyyə təlim keçirilib

0
577
Agentlik
Agentlik

Avqustun 10-da İcbari Tibbi Sığorta üzrə Dövlət Agentliyinin (Agentlik) Maliyyə departamenti tərəfindən Şəki rayonunda ölkənin şimal-qərb bölgəsinin xəstəxanalarının maliyyə, sığorta, insan resursları və digər inzibati, idarəetmə sahələri üzrə çalışan əməkdaşlar üçün maliyyə hesabatları və mühasibatlığa dair təlimlər keçirilib.

Sığortalı Azərbaycan xəbər verir ki, Şəki Rayon Mərkəzi Xəstəxanasında təşkil olunan “İcbari tibbi sığorta əlavəsi və bonusların hesablanma qaydası” və “İllik maliyyə hesabatlarının tərtib olunması qaydası” adlı təlimlərə Şəki, Zaqatala, Balakən, Qax, Oğuz və Qəbələ rayon mərkəzi xəstəxanalarının və Zaqatala, Qəbələ müalicə-diaqnostika mərkəzlərinin müvafiq işçi heyəti cəlb olunub.

Təlimlərin keçirilməsində məqsəd regionlarda icbari tibbi sığortanın tətbiq olunduğu xəstəxanaların əməkdaşlarına icbari tibbi sığorta əlavəsi, bonusların hesablanma qaydası və illik maliyyə hesabatlarının tərtib olunmasına dair təlimatın verilməsini həyata keçirməkdir.

“İcbari tibbi sığorta əlavəsi və bonusların hesablanma qaydası”

Tədbirdə “İcbari tibbi sığorta əlavəsi və bonusların hesablanma qaydası” adlı birinci təlimdə Agentliyin Maliyyə departamentinin məsul əməkdaşları Yadigar Mahmudzadə və Fidan Əliyeva “Tibbi Ərazi Bölmələrini İdarəetmə Birliyi” publik hüquqi şəxsin tabeliyindəki tibb müəssisələrində çalışan səhiyyə işçilərinin əməyinin ödənilməsi sistemi haqqında” Qaydanın tətbiqinə dair təqdimatla çıxış ediblər.

“İllik maliyyə hesabatlarının tərtib olunması qaydası”

Təlimdə iştirakçılara Qaydaya edilən dəyişikliklər, sabit həvəsləndirici və işin nəticələrinə görə aylıq həvəsləndirici əlavələrin hesablanması barəsində geniş məlumat verilib. Daha sonra isə “İllik maliyyə hesabatlarının tərtib olunması qaydası” adlı növbəti təlimdə Agentliyin Maliyyə departamentinin məsul əməkdaşları Emil Əhmədov, Hüseyn Qəhrəmanov və Nisə Qurbanlı mühasibat uçotunun və maliyyə hesabatlarının beynəlxalq standartlara uyğun aparılması qaydaları, həmçinin mühasibatlıq biliklərinə dair təqdimatı iştirakçıların diqqətinə çatdırıblar.

Hər iki təlimin sonunda Agentlik əməkdaşları tərəfindən tədbir iştirakçılarının sualları ətraflı şəkildə cavablandırılıb

Nəzərə çatdıraq ki, sözügedən təlimlər bu həftə ərzində Gəncə Şəhər Birləşmiş Xəstəxanası, Samux, Göygöl, Goranboy, Şəmkir, Daşkəsən, Gədəbəy, Kəlbəcər, Xocalı, Ağstafa, Qazax və Tovuz rayon mərkəzi xəstəxanalarının və Qazax, Tovuz müalicə-diaqnostika mərkəzlərinin əməkdaşlarının iştirakı ilə Gəncə şəhərində və Mingəçevir Şəhər Mərkəzi Xəstəxanası, Naftalan, Ağdaş, Yevlax, Göyçay və Ucar rayon mərkəzi xəstəxanalarının əməkdaşlarının iştirakı ilə Mingəçevir şəhərində keçiriləcəkdir. Eyni zamanda Agentlik tərəfindən növbəti mərhələdə bu tədbirlərin Bakı, Sumqayıt şəhərləri və Abşeron rayonu daxil olmaqla ölkənin bir sıra bölgələrində təşkil olunması planlaşdırılır.

Qeyd edək ki, agentlik gələcəkdə də icbari tibbi sığortanın tətbiq olunduğu tibb  müəssisələrinin maliyyə sahəsi üzrə əməkdaşlarının peşəkarlığının artırılması məqsədilə silsilə tədbirlərini davam etdirəcəkdir.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– İcbari sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz, Hesablama Palatası. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz

BIR CAVAB BURAXIN

şərhinizi daxil edin!
Buraya adınızı daxil edin