Şəkidə fermerlərlə görüş keçirilib

0
540
aqrar
aqrar

Şəkidə aqrar sığorta ilə bağlı fermerlərlə görüş keçirilib.

Sığortalı Azərbaycan xəbər verir ki, Azərbaycanda dövlət dəstəyi ilə tətbiq edilən aqrar sığorta mexanizmi barədə yerli fermerlərin məlumatlandırılması məqsədilə Aqrar Sığorta Fondunun nümayəndələri 5-6 avqust tarixlərində Şəki rayonunda fermerlərlə görüşlər keçirib.

Şəki şəhər icra hakimiyyətinin və Dövlət Aqrar İnkişaf Mərkəzi-nin (DAİM) dəstəyi ilə təşkil edilən görüşlər rayonun iri kənd təsərrüfatı əraziləri sayılan Orta Zəyzid, Baş Güngüt, Baş Dəhnə kəndlərində və Turan qəsəbəsində keçirilib.

Görüşlərdə yerli əhali və fermerlərə dövlət dəstəyi ilə tətbiq edilən aqrar sığorta, onun tətbiqi məqsədləri, işləmə mexanizmi barədə məlumat verilib.

Aqrar sığorta-nın əhatə etdiyi məhsullar və risklər, sığorta haqları, sığorta hadisəsi baş verərkən ödəniş prosesi və sair detallar açıqlanıb. Görüşlərdə səslənən məlumatlar kənd təsərrüfatı sahəsində çalışan sakinlərin böyük marağına səbəb olub. Yerli fermerlər ödəniş prosesinin detalları, sığortanın əhatə etdiyi risklər və sığortalanma prosesi ilə bağlı çoxsaylı suallar qaldırıb.

Fermerlər sığortalanan təsərrüfatlar üçün nəzərdə tutulan tələblər və bu tələblərə əməl edilməsi ilə bağlı detallarla maraqlanıblar.

Onlara bildirilib ki, hazırda aqrar sığorta vasitəsilə 14 bitki, südlük inək və camışlar, eləcə də balıqçılıq təsərrüfatları sığortalanır. Dövlət dəstəkli aqrar sığortanın əsas xüsusiyyəti – sığorta haqlarının 50%-nin dövlət tərəfindən ödənilməsidir.

Yerli sakinlər, aqrar sığortanın şərtlərindən və sığorta haqlarının məbləğindən, o cümlədən dövlətin 50%-lik dəstəyindən olduqca razı qalıb, onun sərfəli olduğunu bildiriblər. Fermerlərə bildirilib ki, onlar təsərrüfatlarını sığortalamaq üçün Aqrar Sığorta Fondu-nun Cağrı Mərkəzinə (1651) zəng edə, rayonda fəaliyyət göstərən aqrar sığorta sisteminə daxil olan sığorta şirkətlərinə və ya yerli DAİM-lərə müraciət edə bilərlər. Onların müraciətinə dərhal cavab veriləcək və sığorta müqaviləsi bağlanacaqdır.

Qeyd edək ki, görüşlərdə son dövrlər dünyada, regionda və Azərbaycanda baş verən təbii fəlakətlər, onların kənd təsərrüfatına vurduğu zərər xatırlanıb və fermerlərə tövsiyə olunub ki, qarşıdan gələn payızlıq taxıl əkini dövründə təsərrüfatlarını əsas risklərdən sığortalansınlar.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– İcbari sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz, Hesablama Palatası. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz

BIR CAVAB BURAXIN

şərhinizi daxil edin!
Buraya adınızı daxil edin