Bakı Ali Neft Məktəbi ilə “Paşa Həyat Sığorta” əməkdaşlığa başlayıb

0
751
Ali Neft Məktəbi - Paşa Həyat Sığorta
Ali Neft Məktəbi - Paşa Həyat Sığorta

Bakı Ali Neft Məktəbi (BANM) və “PAŞA Həyat Sığorta” ASC arasında gənclərin peşəkar inkişafına yönəldilmiş tədbirlərin təşkilinə dair memorandum imzalanıb.

Sığortalı Azərbaycan xəbər verir ki, tərəflər arasında əməkdaşlıq onların fəaliyyət sahələri və səlahiyyətləri çərçivəsində olan məsələləri əhatə edir.

Memorandum təhsil sahəsində qarşılıqlı əməkdaşlığın gücləndirilməsi və inkişaf etdirilməsi, ali məktəbin tələbələrinin təhsil keyfiyyətinin və peşə fəaliyyətinin yaxşılaşdırılması, bu istiqamətdə sıx inteqrasiyanın təmin edilməsi üzrə səylərin birləşdirilməsi məqsədini daşıyır.

Eyni zamanda, ali məktəbin tələbə kontingenti üçün şirkət tərəfindən müxtəlif istiqamətlərdə bilik mübadiləsi sessiyalarının, tələbələr üçün sınaq iş müsahibələrinin keçirilməsi, istehsalat və ya könüllü təcrübə proqramlarının təşkil olunması və şirkətin əməkdaşlarının təhsil müəssisəsində qonaq spiker qismində çıxış etməsi, habelə zərurət olduqda onların tədris fəaliyyətinə cəlb edilməsi planlaşdırılır.

Memorandumda şirkət tərəfindən müəyyənləşdirilmiş kateqoriyalara məxsus tələbələrin sertifikasiya və ya digər təhsil xərclərinə sponsorluq edilməsi, ali məktəb tərəfindən irəli sürülən layihələrə birgə dəstəyin verilməsi və tələbələrin peşə təcrübəsinin artırılması ilə bağlı olan tədbirlərin həyata keçirilməsi öz əksini tapır.

Əməkdaşlıq sazişində ali məktəb tələbələrinin şirkətin təşkilatçılığı ilə onun ofis binasına və ya başqa məkanlara turların, habelə digər informativ ekskursiyaların, müxtəlif müsabiqələrin təşkil edilməsi də nəzərdə tutulur. Bütün bunlar “PAŞA Həyat”ın işə götürən brendinin gücləndirilməsi istiqamətində atılan addımlardır.

Əməkdaşlıq sazişini Bakı Ali Neft Məktəbinin rektoru Elmar Qasımov və “PAŞA Həyat Sığorta” ASC-in İdarə Heyətinin sədri Niyaz İsmayılov imzalayıblar.

Memorandum müddətsiz olaraq bağlanılıb.

“Biz Azərbaycanın intellektual əsgərlərini yetişdiririk. “PAŞA Həyat Sığorta” ASC ilə imzaladığımız əməkdaşlıq memorandumu bu istiqamətdəki fəaliyyətimizi sürətləndirəcək. BANM-nin tələbələrinin “PAŞA Həyat”da təcrübə keçməsi onların gələcək karyeralarında mühüm rol oynayacaq. Eyni zamanda, bu onların gələcəkdə “PAŞA Həyat”da işlə təmin olunmalarına imkan yaradır. Ali məktəbimizin məzunları “PAŞA Həyat”da çalışarsa, bununla qürur duyaram”, – deyə BANM-nin rektoru Elmar Qasımov bildirib.

“PAŞA Həyat Sığorta” ASC-in İdarə Heyətinin sədri Niyaz İsmayılov qeyd edib ki,

hər bir şirkətin uğurunun sirlərindən biri də onun potensiallı kadrlarıdır. Biz BANM-in tələbələrinə təcrübə keçmələri üçün hər cür şərait yaradacağıq. Tələbələrin təcrübə qazanması onların gələcək karyeralarında mühüm rol oynayır. Digər tərəfdən, tələbələrin “PAŞA Həyat”da təcrübə keçmələri onlara iş imkanları yaradır. Biz gələcəkdə tələbələr üçün işçi bazası yaratmağı düşünürük. BANM-in çox bacarıqlı məzunları, yüksək səviyyəli tələbələri var. İstəyirik ki, “PAŞA Həyat”da məhz belə mütəxəssislər çalışsın. Əməkdaşlığımızın dövlətimiz, cəmiyyətimiz üçün əhəmiyyətli olacağına əminəm.

Qeyd edək ki, Lider sığorta şirkəti – “PAŞA Həyat Sığorta” ASC 2010-ci ilin noyabr ayından fəaliyyət göstərir. Şirkət müştərilərə müxtəlif həyat sığortası məhsulları, o cümlədən “İstehsalatda bədbəxt hadisələrin icbari sığortası”, “Yığım tərkibli yaşam sığortası” məhsullarını təklif edir.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– İcbari sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz, Hesablama Palatası. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz

BIR CAVAB BURAXIN

şərhinizi daxil edin!
Buraya adınızı daxil edin