Avqustun 13-də İcbari Tibbi Sığorta üzrə Dövlət Agentliyi (Agentlik) tərəfindən Azərbaycan Respublikası Prezidentinin 18 iyun 2021-ci il tarixli müvafiq Sərəncamlarına əsasən səhiyyə sahəsində səmərəli fəaliyyəti ilə seçilən tibb işçilərinə “Tərəqqi” medalı, “Əməkdar həkim” və “Əməkdar tibb işçisi” fəxri adlarının təqdim olunması mərasimi keçirilib.
Mərasimdə Agentliyin İdarə Heyətinin sədri Zaur Əliyev, İdarə Heyəti sədrinin müavini Nigar Bayramova və Tibbi Ərazi Bölmələrini İdarəetmə Birliyinin İdarə Heyətinin sədri Ramin Bayramlı iştirak ediblər.
Tədbiri giriş sözü ilə açan Zaur Əliyev səhiyyə işçilərini yüksək mükafatlara layiq görülmələri münasibətilə təbrik edərək bildirib ki, tibb işçilərinin təltif edilməsi onların əməyinin yüksək qiymətləndirilməsinin bariz nümunəsidir:
“Ölkəmizdə il yarımdır davam edən koronavirusla mübarizədə ön cəbhədə mübarizə aparan tibb işçiləri əhalinin sağlamlığının qorunmasını təmin etmək üçün böyük əzmkarlıq göstərib və onların sayəsində koronavirusa yoluxanların 94%-i xəstəliyə qalib gəlib. 44 günlük Vətən müharibəsində səhiyyə işçiləri Zəfərin qazanılması uğrunda böyük fədakarlıq nümayiş etdiriblər, ən çətin anlarda həm arxa cəbhədə, həm də ön cəbhədə xalqın və dövlətin yanında olublar”.
Z.Əliyev Agentlik tərəfindən səhiyyə işçilərinin əməyinə diqqət göstərildiyini də vurğulayıb: “Tibb işçilərinin rifah halının yaxşılaşdırılması məqsədilə davamlı tədbirlər görülür. Səhiyyə işçilərinin fəaliyyəti qiymətləndirilir”. Sonda Z. Əliyev tibb işçilərinə məsuliyyətli işlərində uğurlar arzulayıb, gələcəkdə də Agentliyin onların əməyinin qiymətləndirilməsini diqqətdə saxlayacağını bildirib.
Mərasim Z.Əliyev, N.Bayramova və R.Bayramlı tərəfindən tibb işçilərinə medalların və fəxri adların təqdim olunması ilə davam edib. 20 tibb işçisi “Tərəqqi” medalına, 4 tibb işçisi “Əməkdar həkim”, 8 tibb işçisi isə “Əməkdar tibb işçisi” fəxri adlarına layiq görülüb.
Qeyd edək ki, tədbirin sonunda “Əməkdar həkim” fəxri adı ilə təltif olunan Lerik Rayon Mərkəzi Xəstəxanasının şöbə müdiri Vəlixan Bədəlov çıxış edib. O, qeyd edib ki, tibb işçiləri daim cənab Prezident İlham Əliyevin diqqət və qayğısını hiss edir, belə yüksək mükafatlar tibb işçilərini daha məsuliyyətli və peşəkar fəaliyyət göstərmək üçün ruhlandırır. Ölkə səhiyyəsində aparılan quruculuq işlərindən danışan V.Bədəlov icbari tibbi sığortanın tətbiqi ilə tibb müəssisələrinin maddi-texniki imkanlarının yaxşılaşdığını və tibbi xidmətin keyfiyyətinin artdığını da əlavə edib.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– İcbari sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz, Hesablama Palatası. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz
 tərəfindən){kind=link}