İTS və ADA Universiteti arasında Memorandum imzalanıb

0
314
İTS və ADA arasında Memorandum imzalanıb
İTS və ADA arasında Memorandum imzalanıb

İcbari Tibbi Sığorta üzrə Dövlət Agentliyi və ADA Universiteti Anlaşma Memorandumu (Memorandum) imzalayıb.

Sığortalı Azərbaycan xəbər verir ki, sentyabrın 9-da İcbari Tibbi Sığorta üzrə Dövlət Agentliyi (Agentlik) və ADA Universiteti (Universitet) arasında əməkdaşlıq haqqında Anlaşma Memorandumu imzalanıb.

Agentliyin İdarə Heyətinin sədri Zaur Əliyev və Universitetin İcraçı prorektoru Dr. Fariz İsmayılzadə arasında imzalanan memorandum-un əsas məqsədi Agentliyin Universitetlə əməkdaşlığının genişləndirilməsi çərçivəsində Universitetdə təhsil alan tələbələrə dəstək olmaq, o cümlədən karyera hazırlığı, kadrların peşəkar inkişafı, tələbəyönümlü və digər layihələrə dəstək sahəsində birgə fəaliyyətə töhfə verməkdir.

Qeyd edək ki, tərəflər arasında imzalanan memorandum çərçivəsində bir sıra layihə və təlimlərin təşkil olunması nəzərdə tutulur.

Buraya Universitetin ixtisasartırma və digər təlim proqramlarında Agentliyin əməkdaşlarının, eləcə də Universitet tələbələrinin Agentliyin sağlam həyatın təşviqi mövzusunda keçirdiyi layihələrdə, təcrübə proqramlarında iştirakı, həmçinin birgə maarifləndirmə tədbirlərinin həyata keçirilməsi daxildir.

Bununla yanaşı, Agentlik və Universitet müvafiq ekspertləri cəlb etməklə birgə təcrübə mübadiləsi proqramlarının və konfransların təşkilini, habelə elmi məqalələrin hazırlanmasını həyata keçirəcək. Eyni zamanda Agentlik Universitetin Karyera İdarəetmə Mərkəzi ilə əməkdaşlıq müddətində istedadlı və təşəbbüskar tələbələri müxtəlif təlim və layihələrə cəlb edərək onların bilik və bacarıqlarının artırılmasına dəstək olacaqdır.

Qeyd edək ki, tədbirdə həmçinin Agentiyin İnsan resurslarının idarəedilməsi və inkişafı departamentinin rəhbəri Müşfiq Əmircanov, Beynəlxalq əlaqələr departamentinin məsləhətçisi Ülvi Salahov, ADA Universitetinin Fondunun Prezidenti Natiq Hacıyev və Universitetin Karyera İnkişaf Mərkəzinin mütəxəssisi Təranə Aslanova iştirak edib.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz. 

BIR CAVAB BURAXIN

şərhinizi daxil edin!
Buraya adınızı daxil edin