25 illik fəaliyyət dönəminə sahib olan “Atəşgah” Sığorta Şirkəti rəhbərliyi və bir sıra əməkdaşları ötən günlərdə şəhərin mərkəzində yerləşən “Hilton” oteldə son 3 ilin nəticələrinin təhlili əsasında növbəti 3 il üçün strateji planının hesabatına toplanıb.
Sığortalı Azərbaycan xəbər verir ki, tədbir zamanı son 3 il ərzində “Atəşgah” SŞ-nin qarşısına qoyduğu hədəflər üzrə görülən işlər təhlil edilmiş, növbəti 3 illik dövr (2022-2024) üçün planlar müzakirə olunmuşdur.
Atəşgah Sığorta Şirkətinin yeni 3 illik strategiyasının hazırlanmasında Azərbaycan Respublikasının prezidentinin 21 fevral 2021-ci il tarixli sərəncamı ilə təsdiq edilmiş Dövlətimizin sosial-iqtisadi inkişafına dair Milli Prioritetlər əsas olaraq götürülmüşdür.
Pandemiya və onun iqtisadiyyata təsirləri öz növbəsində qarşıya qoyulan hədəflərə çatmağı çətinləşdirsə də, “Atəşgah” SŞ 2019-2021-ci illər üzrə hədəflərinə çatmağa ümumilikdə nail olmuş və uğurlu nəticələr əldə etmişdir.
Missiya və vizyonuna daim sadiq qalan “Atəşgah” SŞ əhalini sığorta sahəsində maarifləndirmək, biznes sektorunu etibarlı maliyə müdafiəsi ilə təmin etmək, Azərbaycanın mədəni irsinin qorunub saxlanılması və ekoloji təmiz mühit yaratmaq naminə son 3 ildə çoxşaxəli işlərə, layihə və tədbirlərə öz imzasını atmış, bu yolda daha çox işlər görmək üçün yeni hədəflər və strategiya müəyyən etmişdir.
Ötən dövr ərzində Ali Baş Komandanın rəhbərliyi altında Rəşadətli Ordumuzun Zəfərli Qələbəsi Şirkəti yeni hədəflərə çatmaqda ruhlandırmış və bu yeni hədəflər növbəti illər üçün tərtib etdiyimiz strategiyada öz əksini tapmışdır.
Belə ki, tədbir zamanı ötən il ölkəmizin zəfərlə başa vurduğu 44 günlük Vətən Müharibəsinin açdığı yeni imkanlardan yararlanaraq, işğaldan azad olmuş torpaqlarda abadlaşdırma və biznes mühitinin inkişafı yolunda edilməli olan bir sıra tədbirlər də “Atəşgah” SŞ-nin 2021-2024-cü illər strategiyasına başlıca hədəf kimi nəzərdə tutulmuşdur.
Şirkət əməkdaşlarının maliyyə bazarı və sığorta sektorunun analizi , problemlər və imkanlar barəsində müzakirələri, Şirkətin güclü və zəif tərəflərindən, iqtisadi vəziyyət və imkanlardan çıxış edərək tərtib etdiyi swot analiz gələcəkyönümlü proqnozlar qurmağa və gələcəyi daha aydın planlamağa yardımçı olmuşdur.
Habelə, qürurla qeyd etməliyik ki, sosial məsuliyyət yönümlü mühim addımlara imza atmış “Atəşgah” SŞ Azərbaycan maliyyə sektoru və biznes mühitində ilk dəfə olaraq yeni ESG (ətraf mühit, sosial və idarəetmə) layihəsinin tətbiqinə başlamışdır.
Qloballaşan dünyada bugün artıq ESG önəmli yer alır. Başqa sözlə desək, cəmiyyətə, ətraf-mühitə faydalı addımlar atmaq, gələcək dünyamızı düşünmək, sosial məsuliyyətlərimizi dərk etmək hər bir şəxsin və toplumun borcudur.
Bir şirkətin hədəfi yalnız dövriyyəsini artırmaq, daha çox qazanmaq və böyümək olmamalıdır deyə iddia edən “Atəşgah” SŞ hədəflərini daha da genişləndirməyin məqsədəuyğun olduğunu düşünür.
“Atəşgah” SŞ də öz növbəsində sözügedən məqamlara diqqətli yanaşaraq, gələcək strategiyasında da buna mühim yer ayırır. Belə ki, “Atəşgah” SŞ-nin növbəti 3 illik strategiyasında ESG yönümlü tədbir və layihələrə geniş önəm veriləcəkdir.
“Atəşgah” SŞ qeyd edir ki, artıq dünyada ətraf mühit, sosial və idarəetmə təməlli mövzulara fokuslanmağın müəyyən bir vədədə iş performansını artırdığı da təsdiqlənmiş faktlardandır.
Qeyd edək ki, “Atəşgah” Sığorta Şirkəti 1996-cı ildən, “Atəşgah Həyat” Sığorta Şirkəti isə 2008-ci ildən fəaliyyət göstərir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
