Aqrar Sığorta Fondu 9 ayın nəticələrini açıqlayıb.
Sığortalı Azərbaycan xəbər verir ki, Aqrar Sığorta Fondunun (ASF) məlumatına görə, 2021-ci ilin yanvar-sentyabr aylarında aqrar sığorta üzrə 3 milyon 906 min manat sığorta haqqı toplanılıb.
Toplanan sığorta haqlarının və ödənişlərin böyük hissəsi heyvandarlıq sektorunu əhatə edir. Belə ki, kənd təsərrüfatı heyvanlarının sığortalanması üzrə 3 milyon 268 min manat, əkin sahələriin sığortası üzrə isə 638 min manat sığorta haqqı toplanıb.
2021-ci ilik ilk 9 ayının nəticələri göstərir ki, aqrar sığorta sektoru Azərbaycanın sığorta sektorunda artım və inkişafının əsas drayverlərindən olacaq.
Belə ki, bu dövrdə ölkə üzrə toplanan ümumi aqrar sığorta haqlarının (4 614 min manat) 85%-i, yəni 3 906 min manatı Fond tərəfindən toplanıb.
2021-ci ilin 9 ayı ərzində Aqrar Sığorta Fondu tərəfindən toplanan sığorta haqları buna qədər son 5 ilin ortalama məbləğini (2 010 min manat) 2 604 min manat və ya 2 dəfədən çox üstələyib.
Ayrı-ayrı sahələr üzrə daha ciddi artım müşahidə olunub. Belə ki, ilk 9 ayda heyvandarlıq sığortası üzrə ASF tərəfindən toplanan sığorta haqları 2020-ci ilin ümumi göstəricisini (1 939 min manat) 195% üstələyib.
Bitkiçilik sığortası üzrə toplanan sığorta haqları isə 2020-ci ilin nəticələrindən 93 dəfə çox olub
Hesabat dövründə heyvandarlıq sahəsi üzrə sığorta haqlarının 85%-i, bitkiçilik sahəsi üzrə sığorta haqlarının isə 100%-i Aqrar Sığorta Fondu tərəfindən yığılıb.
Ümumilikdə ilk 9 ayda ASF tərəfindən 14 667 ədəd kənd təsərrüfatı heyvanı, 17 249 hektar əkin sahəsi sığortalanıb. İndiyədək imzalanmış müqavilələr üzrə Aqrar Sığorta Fondu təqribən 74,5 milyon manatlıq risk qəbul edib
Aqrar Sığorta Fondunun İdarə Heyətinin sədri Fuad Sadıqov deyib ki, 2021-ci ilin yanvar-sentyabr ayları üzrə əldə edilən nəticələr Azərbaycanda aqrar sığortaya tələbatın yüksək olmasının və böyük potensialın göstəricisidir: “Dövlət tərəfindən bu sahədə tətbiq edilən güzəşt mexanizmləri isə fermerlərə və şirkətlərə imkan verib ki, ciddi maliyyə yükü olmadan təsərrüfatlarını effektiv şəkildə sığortalasınlar.
Ölkə rəhbərliyi tərəfindən qəbul edilən son qərarlar – bəzi məhsullar üzrə subsidiyada aqrar sığorta tələbi nəticəsində isə aqrar sığorta ölkəmizin ərzaq təhlükəsizliyində mühüm alətlərdən birinə çevrilməkdədir”.
Qeyd edək ki, növbəti aylarda aqrar sığorta predmetlərinin və sığortaya qəbul edilən risklərin siyahısının böyüməsi ilə aqrar sığortanın əhatə dairəsinin daha da genişlənməsi nəzərdə tutulur.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
 məlumatına görə, 2021-ci){kind=link}