“Atəşgah” Sığorta Şirkəti ASC 2026-cı ilin yanvar–avqust aylarında 28 milyon 328 min manat məbləğində sığorta ödənişi həyata keçirib.
Şirkətin sığorta ödənişləri ötən ilin eyni dövrü ilə müqayisədə 1 milyon 978 min manat və ya 7,5% artıb. 2025-ci ilin yanvar–avqust aylarında bu göstərici 26 milyon 350 min manat təşkil edib.
“Atəşgah”ın sığorta yığımları 37,6% artıb
Hesabat dövründə şirkətin sığorta yığımlarında da artım qeydə alınıb. “Atəşgah” Sığorta ilin ilk 8 ayında 58 milyon 764 min manat sığorta haqqı toplayıb.
Bu məbləğ 2025-ci ilin eyni dövründəki 42 milyon 709 min manatla müqayisədə 16 milyon 55 min manat və ya 37,6% çoxdur.
Şirkətin bazar payı yüksəlib
2026-cı ilin yanvar–avqust aylarında “Atəşgah” Sığortanın sığorta bazarındakı payı da artıb. Şirkətin bazar payı 2025-ci ilin ilk 8 ayında 4,07% olduğu halda, 2026-cı ilin eyni dövründə 5,27%-ə yüksəlib.
Sığorta yığımlarının həcminə görə şirkətin bazar sıralamasındakı mövqeyi də dəyişib. “Atəşgah” Sığorta 2025-ci ilin ilk 8 ayının nəticələrinə əsasən 5-ci pillədə qərarlaşdığı halda, 2026-cı ilin yanvar–avqust göstəricilərinə görə 4-cü sıraya yüksəlib.
Beləliklə, 2026-cı ilin ilk 8 ayında “Atəşgah” Sığortanın həm sığorta ödənişlərində, həm sığorta yığımlarında, həm də bazar payında artım qeydə alınıb.
Müəllif Hüquqları
Sığortalı Azərbaycan – “Sigorta Medya” nəşridir. Bütün hüquqlar qorunur. Platformamız vasitəsilə fərdi sığorta və korporativ sığorta növləri, o cümlədən həyat sığortası və könüllü pensiya sığortası haqqında ən son xəbərləri izləyə bilərsiniz. Regionun sığorta gündəmini izləmək üçün Sigorta Medya Türkiye səhifəsini də ziyarət edə bilərsiniz.
