Dövlət Agentliyinin sədri Tacikistan səfiri ilə görüşüb

0
177
Dövlət Agentliyinin sədri Tacikistan səfiri ilə görüşüb - ASAN xidmət
Dövlət Agentliyinin sədri Tacikistan səfiri ilə görüşüb - ASAN xidmət

Tacikistan Respublikası-nın Azərbaycandakı fövqəladə və səlahiyyətli səfiri Rustam Soliyev-in təşəbbüsü ilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev ilə Tacikistanın ölkəmizdəki səfiri arasında görüş keçirilib.

Sığortalı Azərbaycan xəbər verir ki, görüşdə qonağa “ASAN xidmət” mərkəzlərinin, Dövlət Agentliyinin elektron hökumət sahəsində həyata keçirdiyi layihələr, eləcə də “ABAD” publik hüquqi şəxsin fəaliyyəti barədə ətraflı məlumat verilib.

Bildirilib ki, şəffaflığın artırılması və müasir innovasiyaların tətbiqi baxımından “ASAN xidmət”in yaradılması ilə Azərbaycanda səmərəli dövlət idarəçiliyinin təmin edilməsi sahəsində ciddi nailiyyətlər əldə olunub.

Azərbaycanın “ASAN xidmət” təcrübəsinin Tacikistan-da tətbiqində maraqlı olduqlarını vurğulayan səfir bu istiqamətdə Dövlət Agentliyinin dəstəyini xahiş edib.

Dövlət Agentliyinin sədri “ASAN xidmət” təcrübəsinin Tacikistan tərəfi ilə paylaşmağa hazır olduqlarını vurğulayıb

Görüş zamanı qonağa “ASAN xidmət”in 2015-ci ildə Birləşmiş Millətlər Təşkilatının Dövlət Xidmətləri Mükafatına, 2019-cu ildə isə BMT-nin rəqəmsal idarəetmənin tətbiqi ilə dövlət xidmətlərinin inkişafı sahəsində xüsusi mükafatına layiq görülməsi barədə məlumat verilib.

 “ASAN xidmet”in bir sıra xarici ölkələrdə uğurla tətbiq olunduğunu vurğulayan Dövlət Agentliyinin sədri bugünədək 15-dən çox dövlət və beynəlxalq təşkilatla müvafiq istiqamətlərdə əməkdaşlıq edildiyini qeyd edib

Sonda xatirə hədiyyələri təqdim olunub.

“ASAN xidmet” mərkəzləri Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində Azərbaycan Respublikası Prezidentinin 2012-ci il 13 iyul tarixli 685 nömrəli Fərmanına əsasən yaradılmışdır.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin