Tərtər rayonunda yerli sahibkarlar üçün maarifləndirici tədbir keçirilib.
Sığortalı Azərbaycan xəbər verir ki, oktyabrın 19-da Tərtər rayonunda “Qarabağ sahibkarlarına maarifçilik dəstəyi:
Tərtərlə başlanan yol” mövzusunda “dəyirmi masa” keçirilib. Tədbir İqtisadiyyat Nazirliyi yanında Dövlət Vergi Xidməti ilə Tərtər Rayon İcra Hakimiyyətinin birgə təşkilatçılığı ilə yerli sahibkarlıq subyektlərinin maarifləndirilməsi məqsədilə reallaşdırılıb.
Tədbir-də giriş sözü ilə çıxış edən Tərtər Rayon İcra Hakimiyyətinin başçısı Müstəqim Məmmədov rayonun işğaldan azad edilmiş və zərər görmüş əraziləri haqqında məlumat verib.
Görüşdə, həmçinin, İqtisadiyyat Nazirliyi yanında Dövlət Vergi Xidmətinin Vergi ödəyicilərinə xidmət Baş İdarəsinin rəisi, müşavir Elçin Məmmədov, AMEA -nın İqtisadiyyat İnstitutunun direktoru, i.e.d., professor Nazim Müzəffərli, Dövlət Vergi Xidmətinin Tədris Mərkəzinin rəisi vəzifəsini icra edən Mirəli Kazımov, Yerli qurumların fəaliyyətinin əlaqələndirilməsi Baş İdarəsinin rəisi Elçin Bəylərov, Kiçik və Orta Biznesin İnkişafı Agentliyi-nin Tərtər rayonu üzrə nümayəndəsi Sənan Əhmədzadə çıxış ediblər.
Bildirilib ki, Vətən müharibəsində beynəlxalq hüquq normalarını kobud şəkildə pozan düşmən dinc yaşayış məntəqələrimizi, o cümlədən döyüş bölgəsinə yaxın ərazidə yerləşən Tərtər rayonunu qadağan olunmuş silahlarla intensiv atəşə məruz qoyub.
Nəticədə rayon ərazisində xeyli sayda yaşayış evləri, sahibkarlıq və sosial obyektlər, nəqliyyat vasitələri, heyvandarlıq və kənd təsərrüfatı sahələri ciddi ziyan çəkib.
Qeyd olunub ki, hazırda Qarabağın işğaldan azad edilmiş ərazilərində planlı şəkildə geniş bərpa-quruculuq işləri aparılır, düşmənin yerlə yeksan etdiyi, məhv etdiyi şəhər və kəndlərimiz ən müasir tələblər səviyyəsində yenidən yaradılır.
Tərtər rayonu da öz inkişafını davam etdirərək ölkə həyatına reinteqrasiya olunur
Tədbirdə Tərtər rayonunda fəaliyyət göstərən sahibkarlıq fəaliyyəti subyektləri üçün iqtisadi və hüquqi biliklər, o cümlədən işğaldan azad edilmiş ərazilərdə dövlətin həyata keçirdiyi vergi və investisiya siyasəti mövzularında maarifləndirmə xarakterli məruzələr də yer alıb.
AMEA İqtisadiyyat İnstitutunun Post-konflikt Ərazilərin Bərpası Elmi Mərkəzinin rəhbəri Akif Musayev “Post-konflikt ərazilərdə sahibkarlıq imkanları”, Dövlət Vergi Xidmətinin Tədris Mərkəzinin şöbə rəisi Nazim Əliyev “Silahlı münaqişələr zamanı dinc mülki əhaliyə vurulmuş zərərin ödənilməsinin hüquqi əsasları”, Tədris Mərkəzinin əməkdaşı Şahzadə Mədətova “Post-konflikt ərazilərdə qadın sahibkarlığının inkişafında effektiv dövlət-özəl əməkdaşlığı” mövzusunda təqdimatlarla çıxış ediblər.
Qeyd edək ki, tədbirdə yerli sahibkarların çıxışları və müzakirələrlə davam etdirilib.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz – İqtisadi gündəm.
