“Hal-hazırda təkrarsığorta əməliyyatları…”- Emil Ağabağırov

0
447
“Hal-hazırda təkrarsığorta əməliyyatları…”- Emil Ağabağırov
“Hal-hazırda təkrarsığorta əməliyyatları…”- Emil Ağabağırov

Sığortalı Azərbaycanın silsilə müsahibələri davam edir. Bu dəfəki qonağımız “Xalq sığorta”nın satış və marketinq üzrə böyük mütəxəssisi: Emil Ağabağırov.

-Emil bəy, Aqrar sığorta ilə bağlı işlər nə yerdərdir? Nəticələr sizi qane edirmi?

-Aqrar sığorta ilə bağlı işlər ilk addımlarında olduğu üçün hesab edirəm bu sahədə nəticələr məqbul sayıla biləndir. Çünki 2021- ci ilin ilk 9 ayında 3 milyon 906 min manat sığorta haqqı yığılmışdır. Buna müsbət təsir edən ilk amillərdən biri də məhz dövlət tərəfindən bu sahədə tətbiq edilən güzəşt mexanizmləridir.

Xüsusi ilə Cənab Prezident İlham Əliyev-in 1 sentyabr 2021-ci il tarixli fərmanı ilə “Kənd təsərrüfatı məhsulları istehsalınınsubsidiyalaşdırılması Qaydası”da dəyişiklik edilmişdir. Fərmana əsasən, ölkənin ərzaq təhlükəsizliyində mühüm rolamalik olan bitkilər üzrə 10 hektardan artıq əkin sahələrinə əkin subsiyaları 3 il ərzində aqrar sığorta olunmaqla veriləcək. Aqrar Subsidiya Şurasının qərarına əsasən, qarşıdakı mövsümdə sözügedən tələb 7 bitkiyə aid olacaq. Bunlar – arpa, buğda, çəltik, qarğıdalı, fındıq, çay və limondur. Bütün hallarda fermersığorta haqqının yalnız 50%-i ödəyəcək, məbləğin qalan 50%-ifermerlərə dəstək üçün dövlət ödəyəcək. Bu da fermerlərə imkan verib ki, bir çox mühüm risklərdən təsərrüfatlarını lazımi şəkildə sığortalasınlar.

-Aqrar sığorta ilə bağlı ən çətin məqam hal-hazırda hansıdır? Daha dəqiq desək bu sistemin daha yaxşı nəticə verməsi üçün hansı işlərin görülməsinə ehtiyac var?

-Ümumiyyətlə sığortaya baxış insanlarımız tərəfindən illərdir kimi müsbət formalaşmışdır. Lakin Aqrar Sığorta Fondu bir ildir yarandığı üçün fermerlər hələki bir çox məsələlərdə çətinliklər çəkirlər. Bunlar xüsusi ilə elektron sistemdə ilkin qeydiyyat və ümumi sənədləşmə işləri ilə bağlı olan çətinliklərdir.

Bundan başqa bu sahədə lazımi görüşlərin, təlimlərin təşkilinə də ehtiyacın olmasıdır. Ancaq bu istiqamətdə bir çox addımlar Sığortaçılar və Fond tərəfindən atılıb, eləcə də atılmaqdadır. Paralel olaraq bu işlərin daha da nəticəli olması üçün Medyaın da dəstəyi çox önəmlidir. Aqrar sığortanın xüsusi ilə Azərbaycan Respublikasının regionlarında üstünlik təşkil etməsi, bölgələrdə bu sahə üzrə kadrların hazırlanmasına zəmin yaradır. Fermerlərlə mütəmadi görüşlər keçirilməli, sığortanın mahiyyəti izah olunmalıdır.

-Bu növ bazarımız üçün yenidir və burada risklərin təkrarsığorta vasitəsi kıə bölüşdürülməsi qaçınılmazdır. Xahiş edirəm bu barədə fikir bildirəsiniz. Hal-hazırda bu növ üzərində təkrarsığorta əməliyyatları necə aparılır?

Bəli bu növ bazarımız üçün yenidir və burada risklərin təkrarsigorta vasitəsi ilə bölüşdürülməsi icra olunacaq mərhələsindədir. Hal-hazırda təkrarsığorta əməliyyatları haqqında geniş danışmaq məncə hələ tezdir. Çünki bizi qarşıda daha böyük risklər və yığımlar gözləyir.

Bildiyimiz kimi bu sahədə də qardaş Türkiyənin “Tarsim” sistemindən yararlanırıq.
“Tarsim” ilə bağll işlər nə yerdədir? Gözləntilər nədir? Və bu əməkdaşlıq bir sığortaçı olaraq ümidlərinizi doğruldurmu?

Əlbəttə bu sahənin başlanğıcı üçün “Tarsim” sisteminin əhəmiyyəti olduqca böyükdür. Çünki “Tarsim” sistemi illəri uğurlu nəticəsidir ki, bu da bizim bu sahədə uğurlu başlanğıcımlz deməkdir.Nəticə etibarı ilə qeyd edə bilərəm ki, sığorta predmetləri üzrə tətbiq edilən sığorta haqları olduqca sərfəlidir. Buna misal olaraq 1 hektar taxıl sahəsini Qarabağ regionu üzrə 10 manat, Mərkəzi Aran rayonları üzrə 8 manat ,Quba-Xaçmaz bölgəsi üzrə 7 manat sığorta haqqı ödəməklə yanğından, doludan və digər bir çox hadisələrdən qorumaq mümkündür.Bu cür mexanizmlər bazarda gənc fermerlərin də sayınl artırmışdır.

-Aqrar sığorta ilə bağlı zərərlərin tənzimlənməsi istiqamətində hansı yeniliklər var? Burada müasir texnologiyalardan istifadə nəzərdə tutulurmu?

-Bildiyimiz kimi Müstəqil ekspertlər sığorta qaydalarında və Aqrar sığorta məhsulunun şərtlərində nəzərdə tutulan hallarda, sığorta müqaviləsi bağlanmamışdan əvvəl sığorta predmetinə baxış keçirir və onun məruz qala biləcəyi riskləri qiymətləndirir, risklər üzrə məlumatları Aqrar sığorta informasiya sisteminə daxil edir. Bununla yanaşı Aqrar sığorta hadisəsi baş verdikdə isə müstəqil ekspert sığorta hadisəsini araşdırır və zərəri qiymətləndirir. Deməli həm ilkin qeydiyyat zamanı , həm dəzərərlərin tənzimlənməsi istiqamətində müasir elektron sistemdən istifadə edilir. Gələcəkdə ehtiyac yaranarsa daha təkmil texnologiyalardan istifadə oluna bilər.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz – İqtisadi gündəm.

BIR CAVAB BURAXIN

şərhinizi daxil edin!
Buraya adınızı daxil edin