Sığortalı Azərbaycan xəbər verir ki, Azərbaycanda dövlət dəstəyi ilə müasir aqrar sığorta xidmətləri həyata keçirən Aqrar Sığorta Fondu və ölkənin böyük tarixə malik olan ilk ali təhsil müəssisəsi – Bakı Dövlət Universiteti arasında əməkdaşlıq barədə memorandum imzalanıb.
Bakı Dövlət Universtetinin (BDU) rektoru Elçin Babayev və Aqrar Sığorta Fondunun idarə heyətinin sədri Fuad Sadıqov un imzaladığı memorandum Universitet və Fond arasında müxtəlif sahələrdə əməkdaşlığı nəzərdə tutur.
Sənədə əsasən qurumlar Universitetin müəllim və tələbələri arasında elmi-praktik məlumatları inkişaf etdirmək, sosial məsuliyyət layihələrinin icrası, menecment, sığorta işi və aqrar sığorta sahəsində birgə tədbirlərin təşkil edilməsində əməkdaşlıq etmək barədə razılığa gəliblər.
Memoranduma əsasən, universitetin tələbələri və müəllim-elmi heyəti aqrar sığorta, kənd təsərrüfatı sahəsində həyata keçirilən layihələr və yeniliklərlə bağlı geniş məlumat alacaq, onlardan təhsil və elmi fəaliyyətdə faydalanacaqlar.
Bakı Dövlət Universitetinin müvafiq ixtisaslarda təhsil alan tələbələrinin Aqrar Sığorta Fondunda istehsalat təcrübəsi keçməsi, yay təcrübə və təlim proqramlarında iştirakı, sertifikatla təmin edilməsi nəzərdə tutulur.
Bundan başqa, Fond tərəfindən Universitetin müxtəlif səviyyələrdə (bakalavriat,magistratura və doktorantura) müvafiq ixtisaslar üzrə təhsil alan tələbələrinə dissertasiya mövzularının müəyyənləşdirilməsinə dəstəyin verilməsi, eləcə də təhsil müəssisəsini bitirmiş məzunların və xüsusi istedadlı tələbələrin Aqrar sığorta sistemində (Aqrar Sığorta Fondu və sistemin üzvü olan şirkətlərdə) işlə təmin edilməsi aiddir.
Qeyd edək ki, memorandum çərçivəsində, tərəflərin iştirakı ilə birgə layihə və tədqiqatların həyata keçirilməsi, konfransların, təlimlərin və seminarların təşkil edilməsi və ictimai əhəmiyyət kəsb edən təşəbbüslərin birgə dəstəklənməsi nəzərdə tulur.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz – İqtisadi gündəm.
