İnarə Mirhəsənova TƏBİB-in icraçı direktorunun müşaviri vəzifəsinə təyin edilib.
Bu barədə Sığortalı Azərbaycan-a TƏBİB-dən məlumat verilib.
Bildirilib ki, İnarə Mirhəsənova Bakı Dövlət Universitetində bakalavr və magistratura təhsilini fərqlənmə ilə başa vurub. O, peşəkar fəaliyyəti ərzində maliyyə və sığorta sektorlarında müxtəlif rəhbər vəzifələrdə çalışıb.
İ.Mirhəsənova maliyyə və risklərin idarə edilməsi, sığorta, investisiya, strateji planlaşdırma və korporativ idarəetmə sahələrində geniş təcrübəyə malikdir.
PAŞA Sığorta-da rəhbər vəzifədə çalışıb
İnarə Mirhəsənova TƏBİB-də yeni vəzifəyə təyin olunmazdan əvvəl “PAŞA Sığorta” ASC-nin İdarə Heyətinin üzvü və Baş Maliyyə İnzibatçısı vəzifələrində fəaliyyət göstərib.
Onun yeni vəzifəsində maliyyə, risklərin idarə olunması və korporativ idarəetmə üzrə təcrübəsindən istifadə edəcəyi gözlənilir.
Müəllif Hüquqları
Sığortalı Azərbaycan – “Sigorta Medya” nəşridir. Bütün hüquqlar qorunur. Platformamız vasitəsilə fərdi sığorta və korporativ sığorta növləri, o cümlədən həyat sığortası və könüllü pensiya sığortası haqqında ən son xəbərləri izləyə bilərsiniz. Regionun sığorta gündəmini izləmək üçün Sigorta Medya Türkiye səhifəsini də ziyarət edə bilərsiniz.
