Aqrar Sığorta Fondunda tələbələr üçün təcrübə proqramı-na start verilib.
Sığortalı Azərbaycan xəbər verir ki, Aqrar Sığorta Fondu və Qərbi Kaspi Universiteti arasında imzalanmış memoranduma uyğun olaraq Universitetin müxtəlif ixtisaslar üzrə təhsil alan tələbələri Fondda təcrübə keçməyə başlayıblar. Təcrübə proqramı çərçivəsində tələbələrə sığorta sistemi, aqrar sığorta mexanizmi, onun əhəmiyyəti və iş prinsipi ilə bağlı təlimlər keçirilir.
Eləcə də tələbələr Fondun müxtəlif strukturlarının – müştəri xidmətləri, əməliyyat, hadisələrin araşdırılması departamentlərinin fəaliyyəti ilə tanış olur, proseslərə dəstək verirlər
Qeyd edək ki, Azərbaycan Respublikası Prezidentinin 19 avqust 2019-cu il tarixli, 809 nömrəli “Aqrar sığorta haqqında” Azərbaycan Respublikasının 2019-cu il 27 iyun tarixli 1617-VQ nömrəli Qanununun tətbiqi və Aqrar Sığorta Fondunun yaradılması barədə”
Fərmanına əsasən aqrar sığorta sisteminin təşkilini, inkişafını və dayanıqlılığını təmin etmək məqsədi ilə Aqrar Sığorta Fondu təsis edilmişdir.
“Aqrar sığorta haqqında” Azərbaycan Respublikası Qanununa əsasən ölkədə aqrar sığorta sistemi dövlət-özəl əməkdaşlıq prinsipləri əsasında qurulmuşdur. Aqrar Sığorta Fondu dövlət tərəfindən təsis olunan və riskləri daşıyaraq sığorta ödənişini həyata keçirən qeyri-kommersiya hüquqi şəxsdir. İdarəedici Şirkət isə qeyri-həyat lisenziyasına malik olan sığorta şirkətləri tərəfindən təsis olunan və sığorta müqavilələrinin bağlanmasını təşkil edən müştərək sığortaçıdır.
Aqrar Sığorta Fondunun Nizamnaməsi Azərbaycan Respublikası Prezidentinin 19 avqust 2019-cu il tarixli, 809 nömrəli “Aqrar sığorta haqqında” Azərbaycan Respublikasının 2019-cu il 27 iyun tarixli 1617-VQ nömrəli Qanununun tətbiqi və Aqrar Sığorta Fondunun yaradılması barədə” Fərmanının 2.1.6-cı yarımbəndinə əsasən, Azərbaycan Respublikasnın Nazirlər Kabinetinin 11 dekabr 2019-cu il tarixli, 472 nömrəli Qərarı ilə təsdiq edilmişdir.
Aqrar sığorta müqaviləsi sığortalı və İdarəedici Qurum tərəfindən bağlanır. İdarəedici Qurum – Aqrar Sığorta Fondun adından aqrar sığorta sisteminin idarəedilməsini həyata keçirən müştərək sığortaçıdır. İdarəedici qurum Azərbaycan Respublikası ərazisində qeyri-həyat sığortası sahəsi üzrə fəaliyyətə lisenziyaya malik olan hüquqi şəxslər tərəfindən açıq səhmdar cəmiyyəti təşkilati hüquqi formasında bərabər səhmlərlə yaradılır və fəaliyyət göstərir.
Aqrar Sığorta Fondu öz fəaliyyətində və idarəetmədə qabaqcıl korporativ idarəetmə standartlarını tətbiq edir. Fond müştərək sığortadan istifadə edərək investisiya risklərinin azalmasına və təsərrüfatların təhlükəsizliyini artırılmasına, istehsalın genişlənməsinə şərait yaradır.
Aqrar sığorta sistemi könüllü sığorta prinsipləri əsasında təşkil edilmişdir.
Aqrar sığorta sisteminin məqsədi:
Aqrar sığorta bazarı infrastrukturunun formalaşdırılmasına və inkişafına kömək göstərmək;
Aqrar sığorta sisteminin təşkilini, inkişafını və dayanıqlılığını təmin etmək;
Kənd təsərrüfatı məhsullarının risklərə qarşı müdafiəsini təmin etmək;
Kənd təsərrüfatı məhsullarının istehsalının davamlılığını təmin etmək;
Kənd təsərrüfatı istehsalçılarının maliyyəyə çıxış imkanlarına dəstək olmaq
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz – İqtisadi gündəm.
