ITS-nın saytında yeni elektron xidmət istifadəyə verilib

0
433
ITS-nın saytında yeni elektron xidmət istifadəyə verilib
ITS-nın saytında yeni elektron xidmət istifadəyə verilib

ITS-nın saytında yeni elektron xidmət istifadəyə verilib – Sığortalı Azərbaycan xəbər verir ki, İcbari Tibbi Sığorta üzrə Dövlət Agentliyinin (Agentlik) rəsmi internet səhifəsində Xidmətlər Zərfi üzrə elektron axtarış sistemi istifadəyə verilib.

Yeni elektron xidmət icbari tibbi sığortanın Xidmətlər Zərfindəki tibbi xidmətlərin axtarış prosesinin sürətləndirilməsi və asanlaşdırılması məqsədi ilə yaradılıb.

Tələb olunan tibbi xidmətin Xidmətlər Zərfində mövcudluğunu yoxlamaq üçün Agentliyin rəsmi internet səhifəsinə (its.gov.az) daxil olmaq lazımdır. Daha sonra əsas səhifədən Xidmətlər Zərfi bölməsinə keçid edib, tələb olunan tibbi xidməti 8 kateqoriya (“İlkin tibbi sanitariya yardımı”, “Təcili və təxirəsalınmaz tibbi yardım”, “Ambulator tibbi xidmət”, “Fizioterapiya xidməti”, “Laboratoriya xidməti”, “İnvaziv radioloji xidmətlər”, “Cərrahi tibbi xidmətlər” və “Stasionar terapevtik tibbi xidmətlər”) üzrə axtarmaq mümkündür. Bunun üçün xidmətin aid olduğu kateqoriya seçilərək axtarış yerində tibbi xidmətə uyğun açar söz daxil edilməlidir.

Söz axtarış xanasına daxil edildikdə həmin sözün olduğu bütün tibbi xidmətlərin siyahısı aşağıda avtomatik olaraq görsənir. Burada tibbi xidmətlərin adı ilə yanaşı xidmət müqabilində Agentlik tərəfindən tibb müəssisəsinə ödənilən məbləğ haqqında məlumat da vətəndaşa təqdim olunur

Axtarılan tibbi xidmətin hansı kateqoriyaya aid olduğuna əmin olmadıqda isə ümumi axtarış xanasında açar sözü daxil etmək kifayətdir. Axtarışın dəqiq yerinə yetirilməsi üçün sorğunu söz birləşmələri üzrə deyil, açar söz üzrə səhvsiz vermək başlıca şərtdir. Qeyd olunmalıdır ki, açar sözdə hərf sayı 2-dən az olduqda axtarışın aparılması mümkün olmur. 

Nəzərə alınmalıdır ki, təminata alınan tibbi xidmətlər müəyyən xəstəliklərin müalicəsi ilə əlaqəli olsa bələ onların adında axtarılan sözə rast gəlinməyə bilər. Məsələn, ürək-damar sistemi xəstəlikərinin müalicəsi üzrə  çox sayda tibbi xidmətlər mövcuddur, lakin onların adlarında  “ürək” sözü yoxdur: tək koronar arteriyanın (aorto) koronar şuntlama əməliyyatı, mədəcikarası çəpərin qüsuru, fallo tetradası. Digər  misal kimi böyrək xəstəlikləri ilə bağlı cərrahi  əməliyyatlarını  gətirmək olar. Belə ki, Xidmətlər Zərfində “perkutan nefrolitotomiya”, “ekstrakorporal şokdalğalı litotripsiya” adlanan tibbi xidmətlər böyrək daşlarının çıxarılması və ya parçalanmasını özündə ehtiva edir. Bu səbəbdən sistemdə tibbi xidmətin axtarışı xəstəliyin, diaqnozun, müayinənin və s. adındakı sözlər üzrə aparılmalıdır. Tibbi xidmət tapılmadıqda isə vətəndaşlar diaqnozun dəqiq adını öyrənmək üçün yaşayış yeri üzrə tibb müəssisəsinə və ya müalicə həkimlərinə  müraciət edə bilərlər.

Qeyd edək ki, icbari tibbi sığortanın Xidmətlər Zərfi çərçivəsində vətəndaşlara 2550 sayda tibbi xidmət göstərilir. Həmin tibbi xidmətlərdən vətəndaşlar “Tibbi Ərazi Bölmələrini İdarəetmə Birliyi” publik hüquqi şəxsin (TƏBİB) tabeliyində olan dövlət tibb müəssisələrində istifadə edə bilərlər. TƏBİB-in tabeliyində olan dövlət tibb müəssisələrində müvafiq xidmətin göstərilməsi mümkün olmadığı təqdirdə müqaviləli tibb müəssisəsinə göndəriş verilir. Müqaviləli tibb müəssisələrinin siyahısı ilə buradan tanış olmaq mümkündür.

Eyni zamanda bildirmək istərdik ki, dövlət proqramları çərçivəsində müalicə və müayinəsi qarşılanan xəstəliklərlə bağlı tibbi xidmətlər, kosmetik prosedurlar və plastik cərrahiyyə üzrə tibbi xidmətlər, habelə orqan transplantasiyası, süni mayalanma və stomatoloji xidmətlər icbari tibbi sığortanın Xidmətlər Zərfinə daxil deyil.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin