Azərbaycanda evlərin icbari sığortası haqda yeni konsepsiya

0
270
Azərbaycanda evlərin icbari sığortası haqda yeni konsepsiya
Azərbaycanda evlərin icbari sığortası haqda yeni konsepsiya

Sığortalı Azərbaycan xəbər verir ki, Azərbaycanda “evlərin icbari sığortası”na dair yeni konsepsiya hazırlanıb. Bu barədə Nazirlər Kabineti-nin 2021-ci il üçün hesabatında bildirilib.

Hesabatda qeyd edilib ki, əhalinin sığorta sahəsi üzrə maarifləndirilməsi istiqamətində Mərkəzi Bank, İcbari Sığorta Bürosu və Azərbaycan Sığortaçılar Assosiasiyası arasında imzalanan memorandum əsasında təbliğat-təşviqat strategiyası hazırlanıb və müxtəlif tədbirlərin həyata keçirilməsinə başlanılıb.

“Bununla yanaşı, sığorta qanunvericiliyinin təkmilləşdirilməsi istiqamətində Mərkəzi Bank tərəfindən işlər avam etdirilməkdədir

Daşınmaz əmlakın icbari sığortası növü üzrə mexanizmin təkmilləşdirilməsi məqsədilə yeni konsepsiya hazırlanıb. Qeyd olunan istiqamətdə yeni konsepsiyanın beynəlxalq ekspertlərlə müzakirəsi davam etdirilir. Mərkəzi Bank tərəfindən sığorta fəaliyyətində rəqəmsallaşdırmanın həyata keçirilməsi məqsədilə hazırlanan layihə çərçivəsində mövcud icbari sığorta növlərinin tam rəqəmsallaşması istiqamətində işlər davam etdirilməkdədir. Bununla əlaqədar olaraq, daşınmaz əmlakın icbari sığortası, daşınmaz əmlakın istismarı ilə bağlı mülki məsuliyyətin icbari sığortası və sərnişinlərin icbari fərdi qəza sığortası növləri üzrə sığorta müqavilələrinin elektron sənəd formasında bağlanılması, sığorta müqavilələri üzrə məlumatların real vaxt rejimində daxil edilməsi və sistemin tam elektronlaşdırılması istiqamətində müvafiq addımlar atılmaqdadır. Belə ki, aidiyyəti qurumların elektron informasiya sxemlərinin, inteqrasiyaların həyata keçirilməsi məqsədilə müvafiq qanuna dəyişiklik layihələri hazırlanıb, rəy və təkliflərin toplanılması məqsədilə aidiyyəti qurumlara göndərilib.

Qanun layihəsi yekun təkmilləşdirmə mərhələsindədir

Qanun layihəsinin tətbiqi sığorta bazarının genişlənməsinə, əhalinin sığorta təminatı almayan hissəsinin müvafiq sığorta məhsulları ilə əhatə olunmasının, maliyyə xidmətlərinə çıxışına artırılmasına, sığorta müqaviləsinin bağlanılması prosesinin maksimum sadələşdirilməsinə, sığorta əhatəliliyinin genişlənməsinə, məlumatların dəqiq və daha çevik əldə olunmasına elektron informasiya sistemi üzərindən respublika ərazisi üzrə sığortalılıq səviyyəsinin yoxlanılmasına, eləcə də aidiyyəti qurumlar tərəfindən sığortalanma prosesinə nəzarətin gücləndirilməsinə töhfə verəcək”, – vurğulanıb.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin