Aqrar sığorta fondu fermerlərə müraciət edib

0
245
Bu il Azərbaycanda 5 milyondan çox aqrar sığorta haqqı toplanıb
Bu il Azərbaycanda 5 milyondan çox aqrar sığorta haqqı toplanıb

Sığortalı Azərbaycan xəbər verir ki, Aqrar sığorta fondu hava şəraitinin dəyişməsi ilə əlaqədar olaraq ölkədəki fermer və sahibkarlara müraciət edib, əkin sahələrini sığortalayan fermer və sahibkarları öz sahələrinə baxış keçirməyə və hadisə baş verdiyi halda fonda müraciət etməyə çağırıb.

Azərbaycanda dövlət dəstəyi ilə tətbiq edilən aqrar sığorta mexanizmi əkin sahələrini çoxsaylı risklərdən, o cümlədən təbiət hadisələrindən – dolu, donvurma (şəxtavurma), leysan yağışları, subasma, qasırğa, fırtına və sair hallardan sığortalayır.

Artıq belə halların əkin sahələrinə zərəri ilə bağlı ilkin sığorta hadisələri barədə müraciətlər daxil olmağa başlayıb

Martın 5-də Qobustan rayonunun müxtəlif ərazilərində güclü külək və qasırğa nəticəsində baş verən qum fırtınası əkin sahələrinə böyük zərər vurub. Bununla bağlı edilən müraciətlər əsasında fondun ekspertləri hadisə yerinə baxış keçirərək zərərin qiymətləndirilməsinə başlayıblar. Hadisələrin araşdırılmasından və zərərin müəyyən edilməsindən sonra fermerlərə ödənişlər ediləcək.

Təbiət hadisələri təsərrüfatlara böyük təhlükə yaradır. Bunun qarşısını almaq və gəlirləri qorumaq üçün aqrar sığortadan faydalanmaq ən sərfəli üsuldur. Qobustan rayonunda baş verən hadisə sığortalı olmayan əkin sahələrinə də böyük zərər vurub. Həmin sahələrin sahibləri zərərə görə kompensasiya ala bilməyəcəklər. Hadisələrin araşdırılması zamanı əkin sahələrini sığorta etməyən fermerlər bundan təəssüfləndiklərini bildiriblər. Gələcəkdə belə halların baş verməməsi üçün əkin sahələrini vaxtında dövlət dəstəyi ilə və sərfəli şərtlərlə sığortalamaq kifayətdir.

Qarşıdan gələn Novruz Bayramı günlərində iş günü olmasa da fondunun çağrı mərkəzi adi rejimdə çalışacaq və hadisələr barədə müraciətləri qəbul edəcək.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin