Sığortalı Azərbaycan xəbər verir ki, İcbari Tibbi Sığorta üzrə Dövlət Agentliyinin İdarə Heyəti sədrinin müavini Nigar Bayramova “Müstəqil Dövlətlər Birliyi (MDB) ölkələrində əhalinin sağlamlığının qorunması və səhiyyənin maliyyələşdirilməsi sahəsində islahatlar: Biliklərin mübadiləsi və regional perspektivlər” mövzusunda keçirilən vebinarda iştirak edib.
Vebinarda təqdimatla çıxış edən Nigar Bayramova ölkəmizdə icbari tibbi sığortanın tətbiqi ilə əlaqədar görülən işlərdən danışıb:
“Azərbaycanda icbari tibbi sığortanın tətbiqi və vətəndaşların tibbi xidmətlərə əlçatanlığının artırılması dövlətin həyata keçirdiyi səhiyyə islahatının tərkib hissəsidir. Bunun bariz nümunəsidir ki, cari ilin dövlət büdcəsindən səhiyyə xərclərinə 1 milyard 789 milyon manat ayrılıb. Bu məbləğin təqribən 1 milyard 126 milyon manatını əhalinin dövlət büdcəsi hesabına icbari tibbi sığortalanması xərcləri və səhiyyə sahəsində bir sıra dövlət proqramlarının və tədbirlərin maliyyə təminatı təşkil edir”.
N. Bayramova həmçinin əldə olunan nailiyyətlərlə yanaşı səhiyyənin yeni maliyyələşmə modelinin tətbiqindən irəli gələn çətinliklər haqqında məlumat verib və vebinar iştirakçıları ilə öz tövsiyələrini bölüşüb.
Təqdimatın sonunda Nigar Bayramova ünvanlanan sualları cavablandırıb
Tədbir iştirakçıları tərəfindən Azərbaycanda bütün vətəndaşların işləməsindən və sığorta haqqı ödəməsindən asılı olmayaraq icbari tibbi sığorta ilə əhatə olunması yüksək qiymətləndirilib.
Səhiyyənin Maliyyələşməsi üzrə Qlobal Şəbəkə (P4H), Beynəlxalq Əmək Təşkilatı və Ümumdünya Səhiyyə Təşkilatı tərəfindən təşkil olunan vebinarda MDB üzvü olan 3 ölkənin (Azərbaycan, Qazaxıstan və Qırğızıstan) nümayəndələri iştirak edib.
Panel müzakirələrinə isə müxtəlif ölkələrdən 300-dən çox iştirakçı dinləyici qismində qoşulub
Tədbirin keçirilməsində məqsəd ölkələrin əhalinin sağlamlığının qorunması və səhiyyənin maliyyələşdirilməsi sahəsində əldə etdikləri təcrübəni və nailiyyətləri digər ölkələrlə bölüşməsinə imkan yaratmaq və bu sahədəki bilikləri artırmaqdır.
P4H Şəbəkəsi Universal Tibbi Təminat üçün əhalinin sağlamlığının qorunmasına və səhiyyənin maliyyələşdirilməsi üzrə formalaşdırılan qlobal şəbəkədir. Şəbəkə bu sahədə effektiv nəticənin əldə olunmasına dəstək üçün texniki əməkdaşlıq və dialoq imkanı yaradır. 2007-ci ildə “Böyük səkkizlik” ölkələrinin Almaniyada keçirdiyi sammitində yaradılan Şəbəkə Universal Tibbi Təminatı və Dayanıqlı İnkişaf Məqsədlərinin sağlamlıqla bağlı digər hədəflərini dəstəkləyir. Bu gün P4H şəbəkəsi Afrika, Asiya, Avropa və Amerika qitələrinin 40-dan artıq ölkəsində fəaliyyət göstərir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
 ölkələrində){kind=link}