İTS agentliyi “Stop Vərəm” Tərəfdaşlığının nümayəndələri ilə görüş keçirib

0
191
İTS agentliyi “Stop Vərəm” Tərəfdaşlığının nümayəndələri ilə görüş keçirib
İTS agentliyi “Stop Vərəm” Tərəfdaşlığının nümayəndələri ilə görüş keçirib

Sığortalı Azərbaycan xəbər verir ki, Aprelin 5-də İcbari Tibbi Sığorta üzrə Dövlət Agentliyinin (Agentlik) İdarə Heyətinin sədri Zaur Əliyev Azərbaycanda səfərdə olan “Stop Vərəm” Tərəfdaşlığının (“Stop TB” Partnership) icraçı direktoru Luçika Ditiu və onu müşayiət edən nümayəndə heyəti ilə görüşüb.

Agentliyin İdarə Heyətinin sədri Zaur Əliyev Azərbaycanın vərəm ilə mübarizə tədbirlərini mütəşəkkil formada təşkil edən ölkələrdən biri olduğunu bildirib

Zaur Əliyev əlavə edib ki, Azərbaycanda sözügedən xəstəliyin müayinə və müalicəsi vərəmlə mübarizə üzrə tədbirlər proqramı çərçivəsində aparılır.

Görüşdə vərəm xəstəliyinə qarşı mübarizə və cavab tədbirlərinin gücləndirilməsinin əhəmiyyəti vurğulanıb. Bununla yanaşı, “STOP Vərəm” Tərəfdaşlığı tərəfindən Azərbaycana bu sahədə texniki dəstəyin göstərilməsi, habelə Tərəfdaşlığın “Vərəmin Müalicəsi üçün Dərman Təminatı üzrə Qlobal Mexanizm” (Global Drug Facility) təşəbbüsü çərçivəsində vərəmə qarşı dərman təminatının planlı şəkildə idarəolunmasısı və dərman preparatlarının keyfiyyətinə nəzarətin təmin edilməsi istiqamətində əməkdaşlıq imkanları da müzakirə olunub.

Fikir mübadiləsi zamanı tərəflər həmçinin əhali arasında geniş maarifləndirmə işlərinin aparılmasının vacibliyini də diqqətə çatdırıblar

Qeyd olunub ki, cəmiyyətdə vərəm xəstələrinə qarşı stiqmanın olması səbəbindən çox vaxt insanlar bu xəstəliyin daşıyıcısı olduğunu gizlətməyə çalışır, tibb müəssisələrinə isə artıq ağırlaşmış vəziyyətdə müraciət edirlər. Bu da öz növbəsində vərəmə yoluxma hallarının artmasına gətirib çıxarır.

Görüşdə Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri vəzifəsini icra edən Vüqar Qurbanov, TƏBİB-in Strateji inkişaf departamentinin rəhbəri Yaqut Qarayeva, Agentliyin Beynəlxalq əlaqələr departamentinin rəhbəri Ruslan Abdullayev, Elmi-Tədqiqat Ağciyər Xəstəlikləri İnstitutunun direktoru Həqiqət Qədirova, “Stop Vərəm” Tərəfdaşlığının vəkillik və texniki məsələlər üzrə rəhbəri Əsgər İsmayılov, Tərəfdaşlığın regional məsləhətçisi Natavan Əlixanova və kommunikasiya üzrə mütəxəssisi Honey Mehta, Vərəm əleyhinə QHT Koalisiyası və “Sağlamlığa Xidmət” İctimai Birliyinin sədri Elçin Muxtarlı iştirak ediblər.

Qeyd edək ki, Azərbaycanda səfərdə olan “Stop Vərəm” Tərəfdaşlığının icraçı direktoru və onu müşayiət edən nümayəndə heyəti aprelin 4-də Ümumdünya Vərəmlə Mübarizə Gününə həsr olunmuş konfransda iştirak ediblər.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin