Dövlət Sığorta Şirkəti rebrendinq edib

0
732
Dövlət Sığorta Şirkəti rebrendinq edib
Dövlət Sığorta Şirkəti rebrendinq edib

Sığortalı Azərbaycan xəbər verir ki, Azərbaycan Respublikası Dövlət Sığorta Şirkəti ölkənin sığorta bazarındakı mövqeyini daha da gücləndirmək, eləcə də çevik və innovativ şirkətə çevrilməsi məqsədi ilə rebrendinqlə bağlı apardığı kompleks işləri uğurla davam etdirir. Rebrendinq işləri çərçivəsində şirkətin loqosu və “brandbook”u tamamilə yenilənib.

Şirkətin yeni brendinin əsas ideoloji mahiyyəti dövlət sığortası adı altında vəhdət yaradaraq cəmiyyəti birləşdirməkdir. Yeni loqo özlüyündə cəmiyyətin vahid olması simvolunu özündə əks etdirir və milli atributumuz olan səkkizgüşəli ulduzu əmələ gətirir.

Loqodakı naxış elementləri birləşərək milli şəbəkə ornamentini simvolizə edir

Bu isə qeyd edilən vəhdəti yaratmaq üçün düşünülmüş elementlər şəbəkəsini nəzərdə tutur.

Qeyd edək ki, rebrendinq prosesi müxtəlif satış kanalları vasitəsi ilə müştərilərin tələbinə uyğun sərfəli sığorta məhsullarının hazırlanmasında və daha asan əlçatanlığının təmin olunmasında şirkətin yeni inkişaf mərhələsinə təkan olacaq.

Azərbaycan Respublikası Dövlət Sığorta Şirkətinin İdarə Heyəti sədrinin müşaviri Ceyhun Qurbanov: “100 ildən çox tarixə malik olan Dövlət Sığorta Şirkəti Cənubi Qafqazın ən iri şirkətlərindən biri hesab olunur. Təbii ki, zaman keçdikdə yenilənməyə, təkmilləşməyə ehtiyac yaranır. Biz rebrendinq etməklə müştərilərimizə də bu dəyişiklikləri hiss etdirməyə çalışırıq. Bütün bu işlər şirkətin artıq yeni bir inkişaf mərhələsinə qədəm qoymasından xəbər verir. Bizim üçün əsas meyar müştəri məmnuniyyəti səviyyəsini daha da artırmaqdır və bu istiqamətdə səylərimizi daha da gücləndiririk. Rebrendinq şirkəti inkişafa aparan bir prosesdir və bunun nəticəsində biz peşəkar komanda olaraq korporativ və fərdi müştərilərimizə daha çevik və keyfiyyətli xidmətlər və yeni məhsullar təqdim edəcəyik. Əsas məqsədimiz bazarın ən aparıcı, brend şirkətinə çevrilmək, xidmətlərimizi daha da rahat və faydalı edərək müştəri tələblərini qarşılamaqdır”.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin