Sığortalı Azərbaycan xəbər verir ki, Aqrar Sığorta Fondu ölkədə ilk dəfə olaraq günəbaxan sahələrinə sığorta təminatı verməyə başlayıb. Digər əkinlərdə olduğu kimi, günəbaxan üzrə də sığorta haqqının yarısını fermerlərə dəstək üçün dövlət ödəyir.
Aqrar sığorta günəbaxan əkinlərini çoxsaylı risklərdən qoruyur. Belə ki, təminat verilən rislər sırasına dolu, sel-su basma, ildırım, yanğın, qasırğa, fırtına, zəlzələ, torpaq sürüşməsi, üçüncü şəxslərin hərəkətləri və sair hallar aiddir.
Günəbaxanın məhsuldarlığı son ildə 22.3 sent/ha olub. Məhsuldarlıq səviyyəsi 2015-ci ilə nisbətən 26.0% artıb, lakin 2020-ci ilə nisbətən 0.4% azalma müşahidə olunur. Bu da öz növbəsində aqrar sığorta imkanlarından istifadəni zəruriliyini bir daha əks etdirir.
Günəbaxan sahələrinin baza sığorta zərfi ilə sığortası tarifi ölkənin ayrı-ayrı regionları üzrə fərqlidir və 1.30% – 2.88% arasındadır. Belə ki, bu da bölgələrin daşıdığı risk potensialından asılı olaraq dəyişir. Bu bitkinin ən çox əkildiyi Gəncə-Daşkəsən və Qazax-Tovuz bölgəsində sığorta tarifi 2.43% təşkil edir. Hesablanan sığorta haqqının 50%-ni fermerə dəstək üçün dövlət ödəyir.
Misal: Məhsuldarlığı 20 sentner, 1 sentnerin qiyməti 50 manat, yəni ümumilikdə 1 000 manatlıq məhsul gözləniən 1 ha. günəbaxan təsərrüfatının baza zərfi üzrə sığortalanması ölkənin regionlarından asılı olaraq 6.50 – 14.40 manat arasında dəyişir. Fermer bu məbləğin yalnız yarısını – 3.25 – 7.20 manatını ödəyir, qalan hissəni dövlət ödəyir. Sığorta hadisəsi nəticəsində sahədəki məhsul tamamilə itirilərsə, femerə 900 manatadək sığorta ödənişi edilə bilər.
Aqrar sığortanın əhatə etdiyi bitkiçilik məhsullarının sığorta şərtləri və tarifləri ilə Aqrar Sığorta Fondunun rəsmi internet səhifəsində «Bitkiçilik məhsulları» bölməsində ətraflı tanış olmaq mümkündür.
Fermerlər əkin sahələrinin sığortası üzrə sığorta haqlarını və ödənişləri Aqrar Sığorta Fondunun rəsmi internet səhifəsində «Bitkiçilik kalkulyatoru» bölməsində hesablaya bilərlər.
Əlavə məlumatları ASF-nin sosial şəbəkə hesablarını izləməklə və 1651 qısa nömrəsi ilə əlaqə saxlamaqla əldə etmək olar.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
