İşsizlikdən Sığorta Fondu 2021-ci ildə işsizlikdən sığorta haqları üzrə daxilolmalar 147 milyon manat səviyyəsində olub.
Sığortalı Azərbaycan xəbər verir ki, bu, Əmək və Əhalinin Sosial Müdafiəsi Nazirliyinin 2021-ci il üzrə hesabatında əksini tapıb.
Bu, 2021-ci ilin təsdiq olunmuş müvafiq göstəricisindən 27 milyon manat və ya 22,5 faiz çoxdur.
İşsizlikdən Sığorta Fondunun (İSF) 2021-ci il üçün ümumi gəlirlərinin icrası isə 196,8 milyon manat təşkil edib
Bu da 2021-ci ilin təsdiq olunmuş müvafiq göstəricisindən 39 milyon manat və ya 24,8 faiz çoxdur. İSF-nin 2021-ci il üzrə xərclərin icrası 130,7 milyon manat təşkil edib ki, bu da 2021- ci ilin təsdiq olunmuş müvafiq göstəricisindən 27,1 milyon və ya 17,2 faiz azdır (qənaət əldə olunub). 2021-ci ildə İSF-nin vəsaitlərindən işsizliyə görə sığorta ödənişinə 5,2 milyon manat, peşə hazırlığı və əlavə təhsilin təşkilinə 5,2 milyon manat, haqqı ödənilən ictimai işlərin təşkilinə 1,9 milyon manat, özünüməşğulluq fəaliyyətinin təşkilinə 63,9 milyon manat, peşə standart və kvalifikasiyalarının hazırlanmasına 1,6 milyon manat, məşğulluq orqanlarının saxlanılmasına 33,9 milyon manat, Dayanıqlı və Operativ Sosial Təminat Agentliyinin (DOST) saxlanılmasına 15 milyon manat, Əmək Bazarı və Sosial Müdafiə Məsələləri üzrə Milli Observatoriyanın təşkilinə 2,6 milyon manat yönəldilib.
2021-ci ildən etibarən İSF-nin büdcəsinin daha səmərəli xərclənilməsi məqsədilə ekonometrik proqnozlaşdırma modeli hazırlanıb və büdcənin, eləcə də satınalmaların aylıq əsasda icrasına nəzarət mexanizmi qurulub.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
