Sığortalı Azərbaycan xəbər verir ki, məcburi dövlət sosial sığorta haqları üzrə daxilolmalar 2020-ci illə müqayisədə 8 faiz və ya 290,2 milyon manat artaraq 3 milyard 843,4 milyon manat təşkil edib Bu haqda Əmək və Əhalinin Sosial Müdafiəsi Nazirliyinin 2021-ci il üzrə hesabatında qeyd edilib.
Qeyd edilib ki, bu vəsaitin 63,5 faizi və ya 2441,2 milyon manatı qeyri-büdcə sektorunun payına düşməklə, 2020-ci ilin müvafiq göstəricisinə nisbətən 11,8 faiz və ya 258,2 milyon manat çox olub.
Hesabat dövründə büdcədən maliyyələşən təşkilatlardan daxil olmuş məcburi dövlət sosial sığorta haqlarının məbləği 1402,2 milyon manat və ya proqnozlaşdırılan məbləğin 104 faizi qədər olub. Sair gəlirlər (maliyyə sanksiyaları, faizlər, sanatoriya-kurort yollayışlarının qismən dəyərinin ödənilməsi, səhvən daxil olmuş vəsaitlərin geri qaytarılması, artıq və səhvən ödənilmiş pensiya və müavinət məbləğlərinin qaytarılması və s.) üzrə daxilolmalar 27,2 milyon manat təşkil edib.
DSMF-nin büdcəsinin balanslaşdırılması məqsədilə dövlət büdcəsinin öhdəliklərinin maliyyələşdirilməsi üçün dövlət büdcəsindən ayrılan vəsaitin DSMF-nin gəlirlərində nisbi payı 2018-ci illə müqayisədə 2021-ci ildə 10,4 faiz azalaraq 25,2 faiz təşkil edib ki, bu da DSMF-nin dövlət büdcəsindən aslılığının azalması və maliyyə dayanıqlığının möhkəmlənməsinin əsas göstəricilərindəndir.
Qeyd edək ki, 2021-ci ildə Dövlət Sosial Müdafiə Fondunun (DSMF) gəlirləri 5178 milyon manat təşkil edib.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
