Sığortalı Azərbaycan xəbər verir ki, “Meqa Həyat Sığorta” idarə heyətinin sədri Uğur İbrahimli Azərbaycanlıların ölüm səbəblərinin statistikasını açıqlayıb:
“Həyat sığortası ilə bağlı yeni bir məhsulun üzərində işləyirik. Azərbaycan üzrə ölüm statistikasını və ölüm səbəblərini araşdırmaq məqsədi ilə Dövlət Statistika Komitəsi nin açıqladığı məlumatlara da müraciət etdik.
Deməli, 1991-2020-ci illər üzrə 30 illik müddəti əhatə edən dövr üçün Azərbaycanda ölüm səbəbləri üzrə statistik məlumatlar göstərir ki, bütün ölümlərin böyük hissəsi (86%-ə yaxın) 5 səbəbdən baş verir:
1. Qan dövranı sisteminin xəstəlikləri – Azərbaycan üzrə bu səbəbdən ölənlərin payı ümumi ölümlərin 56%-ni təşkil edir. Yəni, 1991-2020-ci illər üzrə ölümlərin yarıdan çoxu miokard infarkt, insult (beyinə qansızma), ürək çatışmazlığı və bu kimi digər qan dövranı sistemi xəstəliklərindən baş verib.
2. Bütün ölümlərin 12%-i yenitörəmələr nəticəsində baş verib ki, bura əsasən bədxassəli şişlər – xərçəng xəstəliyi aiddir.
3. Tənəffüs sistemi xəstəlikləri – əsasən vərəm və digər ağciyər xəstəlikləri nəticəsində ölümlər təqribən 7% paya sahibdir.
4. Travmalar, zəhərlənmələr və digər xarici səbəblərin təsirindən ölümlə nəticələnən hallar bütün ölümlərin 6%-ni təşkil edir.
5. Ölümlə nəticələnən halların 5%-i həzm sistemi xəstəliklərinin – qaraciyərin iltihabı (hepatit), qaraciyərin sirrozu, mədə-bağırsaq xəstəlikləri və digər xəstəliklərin payına düşür.
Daha bir maraqlı statistika 1991-2020-ci illər üzrə ölümlərin cins və yaş tərkibində özünü göstərir. Azərbaycanın ümumi əhali sayının cins tərkibində kişilər 49%, qadınlar 51% paya sahib olsa da, 30 illik dövr üzrə müxtəlif səbəblərdən vəfat etmiş şəxslərin 54%-ni kişilər, 46%-ni isə qadınlar təşkil edib, hətta 20-50 yaş arası ölüm hallarında kişilərin payı 70%-ə yaxın olub”.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
