Sığortalı Azərbaycan xəbər verir ki, Meqa Həyat Sığorta ASC və ölkənin aparıcı ali təhsil müəssisələrindən olan Azərbaycan Dövlət İqtisad Universiteti (Azerbaijan State University of Economics • UNEC) arasında əməkdaşlıq barədə memorandum imzalanıb.
Azərbaycan Dövlət İqtisad Universitetinin rektoru professor Ədalət Muradov və Meqa Həyat Sığortanın İdarə Heyətinin sədri Uğur İbrahimli arasında imzalanan memorandum universitet və sığorta şirkəti arasında müxtəlif sahələrdə əməkdaşlığı nəzərdə tutur.
Memorandum UNEC və Meqa Həyat Sığorta arasında əməkdaşlıq və tərəfdaşlıq münasibətlərini təmin etməklə risklərin idarə edilməsi və sığorta işi sahəsində birgə tədbirlərin təşkil edilməsinə, UNEC tələbələrinin bilik və bacarıqlarının davamlı inkişafının təmin edilməsi ilə bağlı layihələrin icrasına, təlim və seminarların təşkil edilməsinə yönəlmişdir.
Əməkdaşlıq Memorandumuna əsasən, UNEC tələbələrinin “Meqa Həyat Sığorta” ASC-də təcrübə keçməsi, yay təcrübə proqramlarına cəlb edilməsi, eləcə də, UNEC məzunlarının və xüsusi istedadlı tələbələrin “Meqa Həyat Sığorta” ASC-də işlə təmin edilməsi nəzərdə tutulmuşdur.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
