Sığortalı Azərbaycan xəbər verir ki, 100 ildən çox tarixə malik olan “Azərsığorta” Dövlət Sığorta Şirkəti cari ilin yanvar-aprel ayları üzrə həyata keçirdiyi sığorta ödənişlərinin həcmini açıqlayıb.
Mətbuat katibliyindən “Fins.az” a verilən məlumata görə, 2022-ci ilin yanvar-aprel aylarında Şirkətin müxtəlif sığorta hadisələri üzrə müştərilərinə ödədiyi vəsaitlərin ümumi həcmi 8,470 mln. manat olub.
Qeyd edək ki, cari ilin yanvar ayından etibarən sığorta ödənişlərinin verilməsində artan tendensiya müşahidə olunur. Belə ki, yanvar ayı ilə müqayisədə aprel ayında verilən sığorta ödənişlərinin həcmi 6,474 mln. manat və ya 4,2 dəfə artaraq 8,470 mln. manat təşkil edib.
Bununla yanaşı, qeyd olunan dövrdə sığorta ödənişi alan müştərilərin sayında da artım müşahidə olunub. Cari ilin yanvar ayı ərzində 1772 müştəriyə sığorta ödənişi verilmişdirsə, aprel ayında bu rəqəm 518 nəfər və ya 29,2% artaraq 2290 nəfərə çatıb.
Ümumilikdə, cari ilin yanvar-aprel ayında “Azərsığorta” şirkəti tərəfindən 8271 müştəriyə sığorta ödənişi verilmişdir.
Qeyd edək ki, cari ilin yanvar-aprel ayları üzrə AR Mərkəzi Bankın açıqladığı hesabata əsasən, ”Azərsığorta” Dövlət Sığorta Şirkəti ödənişlərin həcminə görə ölkədə fəaliyyət göstərən sığorta şirkətləri sırasında ilk üçlüyə daxildir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
