Sığortalı Azərbaycan xəbər verir ki, Atəşgah Sığortanın təşkilatçılığı ilə Heydər Əliyev Mərkəzi-nin parkında ödənişsiz
yoqa təlimi keçirilib.
Cəmiyyətə faydalı addımlar atmaq şüarı ilə bir çox sosial məsuliyyət yönümlü tədbir və layihələrə imza atan Atəşgah Sığorta Şirkətinin daha bir faydalı tədbiri baş tutub. Atəşgah Sığorta Şirkətinin təşkilatçılığı ilə Heydər Əliyev Mərkəzi-nin parkında yoqa təlimi həyata keçirilib.
Sözügedən tədbirdə təlimçi 26 illik təcrübəyə malik olan məşhur yoqa mütəxəssisi, eləcə də idman ustası Fuad Əliyev olub. Tədbirin məqsədi iştirakçılara sağlamlıq dolu gün bəxş etmək, ruh və bədən sağlamlığımızın, onlar arasındakı balansın bizim üçün necə vacib olduğunu vurğulamaq olub.
Qeyd edək ki, öncədən Şirkətin rəsmi səhifələrində təlimə qeydiyyat ilə bağlı əhali üçün paylaşımlar yer alıb. Belə ki, yoqa təliminə giriş sərbəst olub və Atəşgah Sığorta Şirkətinin bir sıra nümayəndələri, eləcə də əhaliyə açıq paylaşımlardan xəbər tutaraq qoşulmaq istəyən digər şəxslər təlimdə iştirak ediblər.
Təlim zamanı Fuad Əliyev yoqa haqqında ümumi biliklərdən bəhs etmiş, bir neçə əsas yoqa texnikalarını öyrədərək iştirakçılarla təcrübədən keçirmişdir. Xoş hislərlə təlimdən ayrılan iştirakçılar həftənin yorğunluğundan qurtulub, ruh və bədənlərinin bir neçə saat ərzində dincəldiyini hiss etdiklərini bildiriblər.
“Atəşgah” SŞ tədbirin həyata keçirilməsində göstərdikləri təşəbbüsə və dəstəyə görə Heydər Əliyev Fondu və Heydər Əliyev Mərkəzinə təşəkkürünü bildirib.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
