IT təlimini bitirən 12 könüllü İTS-ya işə götürülüb

0
220
IT təlimini bitirən 12 könüllü İTS-ya işə götürülüb
IT təlimini bitirən 12 könüllü İTS-ya işə götürülüb

Sığortalı Azərbaycan xəbər verir ki, İcbari Tibbi Sığorta üzrə Dövlət Agentliyi (Agentlik) könüllü fəaliyyətin tənzimlənməsi və gənclər siyasəti barədə qanunvericiliyə əsasən, bu sahədə dövlət tərəfindən aparılan siyasətə dəstək olaraq mart-aprel ayları ərzində “İnformasiya texnologiyaları (İT) sahəsi üzrə Könüllü Proqramı” təşkil edib. Proqramın məqsədi gənclərin İT sahəsindəki potensialından daha səmərəli istifadə etmək, onların bu sahədə əlavə təcrübə qazanmasına şərait yaratmaq, perspektivli gənclərin kəşf edilməsinə və peşəkar kadrların hazırlanmasına töhfə verməkdir.

Cari ilin mart ayında elan olunan proqramda iştirak etmək üçün Agentliyə 504 müraciət daxil olub. Onlardan 168 namizəd seçilərək aprel ayında keçirilən test imtahanına dəvət olunub. Namizədlər İT sahəsində təhsil alan və bu sahə üzrə bakalavriat və magistratura səviyyələrində məzun olan şəxslər olub. Test imtahan mərhələsini uğurla başa vuran 63 namizəddən 24-ü müsahibəni də uğurla başa vurub.

Proqram çərçivəsində könüllülər 3 ay ərzində Agentliyin İnformasiya Texnologiyaları və İnnovasiyalar İdarəsinin 5 departamentində qruplara bölünərək könüllü fəaliyyət göstəriblər.

İT sahəsi üzrə təcrübə keçən könüllülər üçün layihə təqdim olunub və uğurla tamamlanıb. İT infrastruktur, şəbəkə inzibatçılığı, məlumat inzibatçılığı, informasiya sistemlərinin təhlükəsizliyi sahələri üzrə könüllülər test çalışmaları edərək uğurlu nəticələr əldə ediblər. Könüllülər ümumi iş prosesi, komanda ilə işləmə bacarığı, digər istiqamətlər üzrə müvafiq təlimlər keçərək təcrübə qazanıblar.

Uğurlu nəticələr əldə etmiş 12 nəfər 3-5 oktyabr tarixlərində Agentliyin İnformasiya Texnologiyaları və İnnovasiyalar İdarəsinin müxtəlif şöbələrində kiçik mütəxəssis vəzifəsi üzrə işə qəbul edilib. İşə qəbul olunmuş gənclərin əksəriyyəti (70%) hazırda magistratura səviyyəsində təhsil alan tələbələrdir. 11 nəfər Agentlikdə ilk iş yeri olaraq əmək fəaliyyətinə başlayıb.

Ən yaxşı nəticə göstərmiş digər şəxslər sertifikatla təmin olunublar. Əldə etdikləri yüksək nəticələrə görə Agentlik tərəfindən onlar haqqında xasiyyətnamələr tərtib edilib. Gələcəkdə uyğun vakansiya olduqda yenidən dəyərləndirmək məqsədilə onların məlumatları Agentliyin kadr ehtiyat bazasına daxil edilib.

Qeyd edək ki, bu, İT sahəsində könüllülərin iştirakı ilə Agentlik tərəfindən icra olunan ilk böyük layihədir. Layihənin uğurlu icrası nəticəsində iştirakçılar arasında yüksək məmnunluğa nail olunub.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin