Sığortalı Azərbaycan xəbər verir ki, 5-9 oktyabr 2022-ci il tarixlərində Bakı Ekspo Mərkəzində təşkil olunan “Baku International Book Fair 2022” – 8-ci Bakı Beynəlxalq Kitab Sərgisində “PAŞA Həyat” və “İRS” nəşriyyat evi birgə əməkdaşlıq çərçivəsində nəşr edilmiş kitablarla təmsil olunur.
Məlumat üçün bildirək ki, “PAŞA Həyat” və “İRS” nəşriyyat evinin birgə fəaliyyəti nəticəsində indiyədək 13 kitab işıq üzü görüb. Bunlar nəşr olunmuş “Qədim qalanın yuxuları”, “Qobustan – minilliklər kitabı”, “Təbrizin sehrli nağılları”, “Qədim və gözəl Qarabağ”, “Məftun edən şəhər”, “Bakı simfoniyası”, “Daş keşikçilər”, “Qarabağ – əsrlərin salnaməsi”, “Gəncə – Nizami yurdu”, “Şəki – Gözəlliyin Sehri”, “Salam, Azərbaycan!”, “Qarabağın Qara Kitabı” və “Qarabağ – Qələbə Yolları ilə” kitablarıdır.
Qeyd edək ki, “Baku International Book Fair 2022” kitab sərgisində fərqli ölkələrdən 150-yə yaxın nəşriyyat və poliqrafiya şirkətləri iştirak edir. Əlavə olaraq sərgi zamanı müxtəlif yeni kitab təqdimatları, seminarlar, imza saatları, tamaşalar, nağıl və poeziya saatları kimi əlavə tədbirlər yer alır.
“PAŞA Həyat” şirkətinin fəaliyyətində yüksək keyfiyyətli çap məhsullarının hazırlanmasına dəstək göstərilməsi və bu tipli məhsullar ilə ölkəmizin dünyada tanıdılması və təbliği xüsusi yer tutur. “PAŞA Həyat” şirkəti korporativ sosial məsuliyyət fəaliyyətinə daim diqqət ayırır və bu tip sərgilərdə iştirakı və cəmiyyətdə mütaliə mədəniyyətinin təşviqinə olan qatqısı ilə qürur duyur.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
