“Atəşgah” Sığorta müştəriləri “Bəhram Bağırzadə ilə imza günü”-nü adlı tədbirdə toplaşıb

0
190
Bəhram Bağırzadə ilə imza günü
Bəhram Bağırzadə ilə imza günü

Sığortalı Azərbaycan xəbər verir ki, ötən gün “İçərişəhər” Dövlət Tarix-Memarlıq Qoruğu İdarəsinin dəstəyi  ilə 2019-cu ildən fəaliyyətə başlamış  Bakı Fotoqrafiya Evində Bəhram Bağırzadənin uşaqlara həsr olunmuş “Qarabağ Azərbaycandır”, “Şuşa” kitablarının təqdimatı və imza mərasimi keçirilib.

“Atəşgah” Sığorta Şirkətinin “Loyallıq sistemi” çərçivəsində “Məşhur şəxslərlə görüş” rubrikasının ilk tədbiri “Bəhram Bağırzadə ilə imza günü” olub. Hər kəsin sevimlisi Bəhram Bağırzadə – Azərbaycanın Əməkdar artisti, Rəssamlar və Kinematoqrafçılar İttifaqının, Fotoqraflar Birliyinin və Karikaturaçılar Cəmiyyətinin üzvü, yazıçı, aktyor və rejissor, əfsanəvi “Bakılı oğlanlar” Şən və Hazırcavablar Klubunun üzvü, qırxdan artıq uşaq kitabının müəllifidir.

“Atəşgah” Sığortanın əməkdaşları tədbirin rəsmi hissəsində görüşə toplaşan korporativ müştəriləri ilə daha yaxından tanış olmuş, əlaqələrin gücləndirilməsi məqsədilə kofe fasiləsi təşkil etmiş, müştərilərə və onların övladlarına fərdi diqqət göstərərək onların Şirkət haqda rəylərini dinləmiş, loyallıqları üçün minnətdarlıq etmişlər.

Tədbirin bədii hissəsində Bəhram Bağırzadə 2 saat ərzində möhtəşəm tar ifasının sədaları altında öz yaradıcılıq yolundan bəhs etmiş, maraqlı xatirələr bölüşmüş, öz sevənlərinin suallarını cavablandırmış, şəkillər çəkdirmiş və Qarabağ tarixi haqda yazılmış şəkilli ensiklopediyaları və xüsusən də “Qarabağ Azərbaycandır!” və “Şuşa” barədə olan kitabları haqqında bəhs etmişdir. Bəhram Bağırzadə tədbir iştirakçılarına və onların övladlarına müəllif imzası ilə olan kitablar hədiyyə etmişdir.

Sonda balaca övladlarımız Bəhram əmiyə Vətən sevgilərindən bəhs edib, belə maraqlı gün və kitablar üçün ona təşəkkürlərini bildiriblər.

Qeyd edək ki, “Atəşgah” Sığorta Şirkəti 1996-cı ildən, “Atəşgah Həyat” Sığorta Şirkəti isə 2008-ci ildən fəaliyyət göstərir.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin