ASF-nin könüllük proqramı başa çatıb

0
307
ASF-nin könüllük proqramı başa çatıb
ASF-nin könüllük proqramı başa çatıb

Sığortalı Azərbaycan xəbər verir ki, Aqrar Sığorta Fondunda növbəti Könüllülük proqramı-nı uğurla başa vuran gənclərə sertifikatlar təqdim edilib.

Aqrar Sığorta Müştərək Sığorta Şirkətinin İnsan Resursları şöbəsinin rəhbəri Nuranə Əzizova gəncləri salamlayaraq onları könüllük proqramını uğurla başa vurmaları münasibətilə təbrik edib, gələcək fəaliyyətlərində uğurlar diləyib. Bildirib ki, hazırda respublika ərazisində keçirilən bütün beynəlxalq tədbirlərdə, eləcə də dövlət orqanlarının gündəlik fəaliyyətində könüllülərin misilsiz xidmətləri var.

Aqrar Sığorta Fondunda çalışdıqları son 3 ay ərzində könüllülər fondun müxtəlif strukturlarının – müştəri xidmətləri, əməliyyat, hadisələrin araşdırılması və tənzimlənməsi departamentlərinin fəaliyyətini öyrənib, proseslərə dəstək veriblər. Proqram çərçivəsində könüllülərə sığorta sistemi, aqrar sığorta mexanizmi, onun əhəmiyyəti və iş prinsipi ilə bağlı təlim keçirilib. Təlimdə könüllülərə bitkiçilik və heyvandarlıq üzrə sığorta qaydaları, baza və geniş təminata daxil olan risklər, sığorta haqqı, sığorta məbləği terminləri izah edilib.

Təlim zamanı məhsulların sığortalanması ilə bağlı çoxsaylı misallar göstərilib, aqrar sığorta və ödəniş prosesi haqqında məlumat verilib. Proqramda iştirak edən könüllülər Aqrar Sığorta Fondunda çalışdıqları müddətdə yeni bilik və bacarıqlar əldə etdiklərini, ən əsası isə kollektivlə işləmək təcrübəsi qazandıqlarını bildiriblər. Onların sözlərinə görə könüllülük fəaliyyəti onların fərdi inkişafına təsir edir və gələcək kadr kimi formalaşdırır. Qeyd edək, könüllülər arasında BDU, İqtisad Universiteti, Qərb Universiteti, Azərbaycan Dövlət Aqrar Universiteti, Azərbaycan Dövlət Neft və Sənaye Universiteti-nin məzun və magistr tələbələri də var. Tədbirin sonunda təlimi uğurla başa vuran könüllülərə sertifikatlar təqdim olunub.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin