PAŞA Həyat dəstəyi ilə “Şuşa. Zirvədən uca” və “Şuşa. Qarabağın ulduzu” adlı kitabların təqdimatı keçirilib

0
195
PAŞA Həyat dəstəyi ilə “Şuşa. Zirvədən uca” və “Şuşa. Qarabağın ulduzu” adlı kitabların təqdimatı keçirilib
PAŞA Həyat dəstəyi ilə “Şuşa. Zirvədən uca” və “Şuşa. Qarabağın ulduzu” adlı kitabların təqdimatı keçirilib

Sığortalı Azərbaycan xəbər verir ki, Beynəlxalq Muğam Mərkəzində PAŞA Həyat şirkətinin dəstəyi ilə “Şuşa. Zirvədən uca” və “Şuşa. Qarabağın ulduzu” adlı kitabların təqdimatı keçirilib.

Yeni nəşrlər Azərbaycanın heyrətamiz güşəsi olan Şuşa haqqındadır və “PAŞA Həyat Sığorta” ASC və İRS Nəşriyyat Evinin 2013-cü ildən birgə həyata keçirdiyi “İrs” silsiləsi layihəsi çərçivəsində ərsəyə gəlib.

Bildirək ki, İRS silsiləsi çərçivəsində ərsəyə gələn kitablar cəmiyyətimizin və ölkəmizin mədəni sərvətlərini tanıtmaq üçün əhəmiyyətli rol oynayır. Azərbaycanın qədim tarixini, füsunkar təbiətini, çoxəsrlik mədəniyyətini özündə əks etdirən yüksək keyfiyyətli çap məhsullarının hazırlanmasına tarixçilər və xarici mütəxəssislər də cəlb olunur.

Təqdimat mərasimində mədəniyyət naziri Anar Kərimov, PAŞA Həyat şirkətinin sədri Niyaz İsmayılov, İRS Nəşriyyat Evinin baş redaktoru əməkdar jurnalist Musa Mərcanlı, AMEA prezidenti İsa Həbibbəyli, Üzeyir Hacıbəyov adına Bakı Musiqi Akademiyasının rektoru Xalq artisti Fərhad Bədəlbəyli, Milli Məclisinin deputatı Qənirə Paşayeva, digər mədəni-ictimai xadimlər, media mənsubları iştirak ediblər.

Mədəniyyət naziri Anar Kərimov sözügedən kitabların önəmindən danışıb: “Bu il Şuşa ilə bağlı bu cür kitabların nəşri ölkəmizdə cənab Prezident tərəfindən “Şuşa İli”nin elan edilməsi ilə bağlıdır. Şuşa şəhəri Azərbaycan üçün, onun mədəniyyəti üçün olduqca əhəmiyyətli və müqəddəsdir. Şuşanın mədəni mərkəz kimi, müqəddəs məkan kimi təbliğinin kitablarda, kataloqlarda da əksini tapması vacib və əhəmiyyətlidir”.

Nazir çıxışından sonra “İrs” Nəşriyyat Evinin rəhbəri Musa Mərcanlını “Şuşa-270” döş nişanı ilə təltif edib

PAŞA Həyat şirkətinin sədri Niyaz İsmayılov öz çıxışında bildirib ki: “Yüksək keyfiyyəti ilə seçilən kitabların ərsəyə gəlməsindəki rolumuzla, cəmiyyətə olan vətəndaşlıq borcunun yerinə yetirilməsi ilə qürur duyuruq. İlk kitabların hazırlanması əzəli torpaqlarımızın mənfur düşmən işğalı altında olduğundan çətinliklərlə əmələ gəlib. İndi isə azad torpaqlarımız, şəhərlərimiz haqda sərbəst yaza və çəkiliş edə bilirik. Bu materiallar dünya miqyaslı təbliği ilə bizim informasiya müharibəsində olan nailiyyətlərimizdəndir. Bundan sonra da əlimizdən gələni edəcəyik və bu cür fəaliyyətimizi davam edəcəyik”, – deyə bildirib.

Qeyd edək ki, Azərbaycan-ingilis və Azərbaycan-rus dillərində hazırlanan kitablarda Şuşa şəhərinin qədim tarixi, mədəni həyatı, maddi-mədəni abidələri, işğal dövründə məruz qaldığı dağıntılar və azadlığa qovuşması zəngin mətn və fotofaktlarla təqdim olunub.

PAŞA Həyat və İRS Nəşriyyat Evinin birgə əməkdaşlığı çərçivəsində indiyədək 13 kitab işıq üzü görüb. Bunlar nəşr olunmuş “Qədim qalanın yuxuları”, “Qobustan – minilliklər kitabı”, “Təbrizin sehrli nağılları”, “Qədim və gözəl Qarabağ”, “Məftun edən şəhər”, “Bakı simfoniyası”, “Daş keşikçilər”, “Qarabağ – əsrlərin salnaməsi”, “Gəncə – Nizami yurdu”, “Şəki – Gözəlliyin Sehri”, “Salam, Azərbaycan!”, “Qarabağın Qara Kitabı” və “Qarabağ – Qələbə Yolları ilə” kitablarıdır.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin