“Azərsığorta”-nın bu rayonda filialı açılıb

0
648
“Azərsığorta”-nın bu rayonda filialı açılıb
“Azərsığorta”-nın bu rayonda filialı açılıb

Sığortalı Azərbaycan xəbər verir ki, ilk və tək dövlət sığorta şirkəti olan “Azərsığorta” filial şəbəkələrinin optimallaşdırılması prosesinə davam edir. Belə ki, 7 dekabrda Şirkətin növbəti filialı – Şəki şəhərində yerləşən və yeni konsepsiyaya uyğun transformasiya olunan filialının açılışı olub.

Şəki şəhəri, Məmməd Əmin Rəsulzadə pr. 149 ünvanında yerləşən filialın açılışında “Azərsığorta”nın nümayəndə heyəti ilə yanaşı Şəki şəhər İcra Hakiminin müavini – Sosial-iqtisadi inkişafın təhlili və proqnozlaşdırılması şöbəsinin müdiri Elman İmamverdiyev də iştirak etmişdir.

Şəkidə açılan yeni filial vətəndaşlara yüksək xidmət göstərmək üçün zəruri olan bütün imkanlara sahibdir. Şəki şəhəri ilə yanaşı ətraf rayon və şəhərlərdə yaşayan əhali də bu filiala yaxınlaşaraq Şirkətin təklif etdiyi bütün növ sığorta xidmətlərindən istifadə edə biləcəklər.

Şirkətin İdarə Heyəti sədrinin müşaviri Ceyhun Qurbanlı açılış mərasimində çıxış edərək Şəki şəhərində yeni filialın açılmasının sevincini bölüşmüşdür. O, həmçinin sığorta məhsullarının və sığorta xidmətlərinin Bakı şəhərindən savayı, həm də bölgələrdə də yaşayan əhalimiz üçün əlçatan olmasının sığorta şirkətlərinin əsas məqsədi olduğunu vurğulamışdır:

“Sığorta ödənişi sığorta şirkətlərinin bir güzgüsüdür, onun fəaliyyətinin göstəricisidir. Bu, həm də sığortalıya göstərilən qayğıdır. Yenilənən şirkət olaraq məqsədimiz əhaliyə ən müasir rəqəmsal proqramlar tətbiq edərək keyfiyyətli xidmət göstərməkdir. Çünki sığorta şirkəti özü bir xidmət sahəsidir və sığorta müqaviləsi bağlandığı zaman sığortalıya vəd verir ki, hadisə baş verdikdə biz sizin yanınızda olacayıq. “Azərsığorta” Şirkəti də öz növbəsində verilən vədlərə əməl etmək üçün bölgələrdə öz filial şəbəkəsini təkmilləşdirir və əhatə dairəsini genişləndirir.”

Həmçinin açılışda iştirak edən Şəki şəhər İcra Hakiminin müavini – Sosial-iqtisadi inkişafın təhlili və proqnozlaşdırılması şöbəsinin müdiri Elman İmamverdiyev əhalinin sığorta savadlılığının artırılmasının önəmindən, ələlxüsus kənd təsərrüfatı sahəsində sığortanın nə dərəcədə önəmli olmasından bəhs etmişdir. Bundan başqa, Şəki şəhərinin sürətli inkişafından, qarşıya qoyulan məqsədlərdən də danışmışdır: “Şəki şəhərində bir çox yeni layihələr həyata keçirilmiş, 600-dən çox iş yeri açılmışdır və “Azərsığorta”nın filialının yenilənməsi də yerli əhalinin yeni iş imkanları ilə təmin edilməsinə səbəb olmuşdur.”

Qeyd edək ki, 21 oktyabr 1921-ci ildə Azərbaycan SSR-də yerli Dövlət Sığorta İdarəsi kimi fəaliyyətə başlayan “Azərsığorta” Dövlət Sığorta Kommersiya Şirkəti Cənubi Qafqazın ilk sığorta qurumu olaraq 1991-ci ildə Azərbaycan Respublikasının Maliyyə Nazirliyi yanında fəaliyyət göstərən Dövlət Sığortası İdarə heyəti bazasında Azərbaycan Respublikası Dövlət Sığorta Kommersiya Şirkəti olaraq yaradılıb.

2022-ci il may ayından etibarən “Azərsığorta” brendi ilə fəaliyyətini uğurla davam etdirən Şirkət 36 növdə könüllü və icbari sığorta məhsulları üzrə xidmətlər təqdim etməklə respublikada geniş filial şəbəkəsinə malikdir.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin