“PAŞA Sığorta”-dan örnək layihə

0
230
"PAŞA Sığorta"-dan örnək layihə

“PAŞA Sığorta”-dan örnək layihə – Sığortalı Azərbaycan xəbər verir ki, “PAŞA Sığorta” şəhid və qazi xanımları üçün layihə həyata keçirib.

Qadınlar arasında sahibkarlığın inkişafı cəmiyyətin də bütövlükdə inkişafına təsir edir. Bunu nəzərə alaraq PAŞA Sığorta şirkəti PAŞA Holdinqin dəstəyi və “GİD CSR Consulting” şirkətinin təşkilatçılığı ilə Vətən müharibəsi şəhid və qazilərinin xanımları üçün “Ana Sahibkar” adlı korporativ sosial məsuliyyət layihəsinə start verib.

Layihənin təşkil olunmasında əsas məqsəd İkinci Qarabağ müharibəsi şəhid və qazilərimizin xanımları üçün sahibkarlıq fəaliyyətinə, eyni zamanda, bu sahədə bilik və bacarıqların artırılmasına, dəstək verməkdir. Həmçinin, ölkədə qadınlar arasında məşğulluğun artırılması və qadınların cəmiyyətdəki rolunun qüvvətləndirilməsi də layihənin uğur göstəricilərindən hesab edilir.

Aprel ayından dekabr ayınadək davam edən layihədə iştirak edən 26 qadın üçün ofis proqramlarının əsası, kommunikasiya bacarıqları, vaxtın idarə edilməsi, sosial media marketinqi, satış, sahibkarlıq və əmək məcəlləsinin əsasları kimi mövzuları əhatə edən təlimlər təşkil edilib. Təlimlərdə ölkəmizdə uğur qazanmış sahibkar qadınlar, psixoloqlar, peşəkar təlimçilər iştirak edərək 10 fərqli mövzuda öz bilik və təcrübələrini iştirakçılarla paylaşıb. Təlimlərdə Elnara Naxmedova, Ruhi Əliyeva kimi qadın sahibkarlar, Şəbnəm Səfərova , Asif Sadıqov, Leyla Cəfərli, Nərgiz Süleymanlı, Aylar Abid, Arzu Xəlilova və Adil Abdullayev kimi peşəkar təlimçilər yer alıb.

Layihənin yekununda 5 xanım dərzilik kurslarını bitirərək fəaliyyətə başlayıb. Bundan əlavə, 11 xanım İT kursunu, 2 xanım kosmetologiya kursunu, 1 xanım insan resurslarının idarəolunması kursunu bitirmiş, 1 xanım isə sahibkarlıq fəaliyyətinə başlamışdır. Layihədə uğurla iştirak etmiş bir çox xanım hazırda fərqli sahələrdə çalışır.
21 dekabr tarixində isə “Ana Sahibkar” layihəsinin yekun hesabat tədbiri baş tutub.Tədbirdə layihə iştirakçıları ilə yanaşı, təlimçilər, PAŞA Holding və PAŞA Sığorta şirkətinin rəsmiləri, “GİD CSR Consulting” şirkətinin əməkdaşları, həmçinin media nümayəndələri də iştirak edib.

Bu layihə xanımların arzuladıqları işə sahib olmaq, ailələrinə və övladlarına vaxt ayırmaq kimi vacib məsələləri bir arada birləşdirmək üçün fürsət yaradır. Layihə eyni zamanda, qadınlar üçün yeni peşə, büdcə planlaşdırılması, biznes idarəçiliyi və yeni biznesin qurulması üçün tələb olunan digər bacarıqlarla bağlı təlim imkanları yaratmaqla onların iqtisadi səlahiyyətlərinin artırılmasına, maliyyə müstəqilliyinin təmin edilməsinə və ən əsası layihə sonu işlə təmin olmasına dəstək göstərib.

Hazırda qeyri-həyat sığorta sektorunun lideri olan PAŞA Sığorta şirkəti 2006-cı ildən fəaliyyət göstərir. “PAŞA Holding” qrupunun üzvü olan PAŞA Sığorta 300.000-ə yaxın korporativ və fərdi müştərisinə 36 növ könüllü və icbari sığorta üzrə xidmət göstərir. “S&P Global Ratings” beynəlxalq reytinq agentliyi “PAŞA Sığorta” ASC-nin emitentin uzunmüddətli kredit və maliyyə dayanıqlılığı reytinqini “BB”, reytinq üzrə proqnozu isə “Stabil” səviyyəsində təsdiqləyib. Şirkət kapitalının, sığorta yığımlarının, sığorta ödənişlərinin həcmi və digər göstəriciləri ilə sığorta bazarının lider və ən böyük sığorta şirkətlərindəndir.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin