Müstəqil sığorta ekspertləri imtahan verəcək

0
361
Müstəqil sığorta ekspertləri imtahan verəcək
Müstəqil sığorta ekspertləri imtahan verəcək

Sığorta sahəsində müstəqil sığorta ekspertləri Türkiyədə təcrübə keçəcək. Sığortalı Azərbaycan xəbər verir ki, bunu Azərbaycan Mərkəzi Bankının baş direktoru Ziya Əliyev deyib.

O bildirib ki, müstəqil sığorta ekspertinin peşəkarlıq səviyyəsinə əmin olmaq üçün tələblər müəyyən ediləcək: “Ekspertlər Dövlət İmtahan Mərkəzində imtahan verəcək. Onların peşəkarlığının artırılması üçün əlavə təlimlər təşkil ediləcək. Təlimlərlə bağlı Türkiyə Müstəqil Ekspertlər İnstitutu ilə əməkdaşlıq edilə bilər. Qiymətləndiricilərin təcrübələrini artırmaları üçün Türkiyəyə göndərilməsi də nəzərdə tutulub. Bu isə bizə imkan verəcək ki, bizdə olan siyahıda həqiqətən peşəkar qiymətləndirici kontingentini müəyyən edək. Onların peşəkarlığına əmin olduqdan sonra yeni qayda ilə qiymətləndiricilərin seçim proseduru olacaq”.

Ziya Əliyev həmçinin, müstəqil sığorta ekspertlərinin seçimi ilə bağlı gələn ildən dəyişiklərin olacağını əlavə edib: “Hazırda Mərkəzi Bankda müstəqil eksperlərin reyestri var və tərəflərin razılığı ilə siyahıda olan ekspertlərindən biri seçilir və qiymətləndirməni həyata keçirir. Təklifimiz ondan ibarətdir ki, bizdə olan siyahıdan üç müstəqil ekspert sığortalı tərəfindən müəyyən edilib seçilsin, bunlardan birini isə sığorta şirkəti seçsin. Beləliklə, müstəqil ekspertin seçilməsində hər iki tərəf iştirak edir, hər iki tərəfin seçimi diqtə etmək imkanı yaranmır. Belə bir təcrübə əsasında mexanizm təklif etmişik. Qanunvericiliyə dəyişiklik olduqdan sonra bu mexanizmi tətbiq edə biləcəyik. Bu da ekspertin seçilməsi məsələsini yaxşılaşdıracaq. Gələn ilin birinci yarısında qanuna dəyişiklərin olacağını gözləyirik”.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin