“Atəşgah” və “Atəşgah Həyat” Sığorta Şirkətinə yeni təyinat

Sığortalı Azərbaycan xəbər verir ki, “Atəşgah” və “Atəşgah Həyat” Sığorta Şirkətlərində yeni Baş direktor vəzifələri təsis edilib.
“Atəşgah” Sığorta Şirkətinin baş direktor vəzifələrinə Mustafayeva Ayla Elman qızı, İsgəndərova Könül Elman qızı, Əliyev Elvin Mirİsmayıl oğlu, “Atəşgah Həyat” Sığorta Şirkətinin baş direktor vəzifəsinə isə Həsənova Şəfəq Oqtay qızı təyin ediliblər.

Qeyd edək ki, peşəkar fəaliyyətinə 2003-cü ildən başlayan Mustafayeva Ayla “Atəşgah” Sığorta Şirkətinin Tibbi və həyat sığortası şöbəsində mütəxəssis və şöbə müdiri, Sığorta idarəsinin şəxsi sığorta növləri şöbəsinin və Korporativ satış idarəsinin rəisi vəzifələrini layiqincə icra etmişdir.

İsgəndərova Könül 2010-cu ildən etibarən “Atəşgah” Sığorta Şirkətinin İşlərin idarəedilməsi şöbəsinin mütəxəssisi, Kargüzarlıq şöbəsinin aparıcı mütəxəssisi və baş mütəxəssisi, İdarə Heyəti sədrinin müşavirinin köməkçisi, İdarə Heyəti sədrinin müşaviri vəzifələrini layiqincə icra etmişdir.
Əliyev Elvin 2009-cu ildən “Atəşgah” Sığorta Şirkətinin Əməliyyat şöbəsinin mütəxəssisi, Müqavilələrin aparılması şöbəsinin rəisi, Zərərlərin tənzimlənməsi idarəsinin rəisi, Müştəri xidmətləri idarəsinin rəisi, İdarə heyəti sədrinin müşaviri vəzifələrini icra etmişdir.

“Atəşgah Həyat” Sığorta Şirkətinə Baş direktor təyin olunan Həsənova Şəfəq isə 2005-2009-cu illərdə “Atəşgah” Sığorta Şirkətində Tibbi və həyat sığortası şöbəsinin mütəxəssisi, Sığorta idarəsinin şəxsi sığorta növləri şöbəsinin mütəxəssisi və aparıcı mütəxəssisi kimi çalışmış, 2009-cu ildən isə “Atəşgah Həyat” Sığorta Şirkətində Sığorta şöbəsinin aparıcı mütəxəssisi, baş mütəxəssisi, Həyatın qarışıq sığortası şöbəsinin rəisi, Həyat sığortası idarəsinin rəisi vəzifələrini icra etmişdir.
“Atəşgah” və “Atəşgah Həyat” Sığorta Şirkətlərinin nailiyyətlərinə əhəmiyyətli qatqıları olan əməkdaşlara yeni vəzifələrində müvəffəqiyyətlər arzu edirik!

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.