İctimai Şuranın sığortaçıları ilə görüşülüb

0
400
İctimai Şuranın sığortaçıları ilə görüşülüb
İctimai Şuranın sığortaçıları ilə görüşülüb

Sığortalı Azərbaycan xəbər verir ki, İqtisadiyyat Nazirliyi yanında İctimai Şura nın sığortaçılarla görüşü keçirilib. Azərbaycan Respublikasının İqtisadiyyat Nazirliyi yanında İctimai Şura ilə sığortaçılar arasında görüş keçirilib.

ASA-dan verilən məlumata görə, Azərbaycan Sığortaçılar Assosiasiyasının (ASA) təşkilatçılığı ilə baş tutan və Azərbaycan Respublikasının Mərkəzi Bankı, ASA, Aqrar Sığorta Fondu və sığorta şirkətlərinin rəhbərliklərinin iştirak etdiyi görüşdə sığorta sektorunun mövcud vəziyyəti, inkişaf perspektivləri və yerli sığorta bazarındakı problemlərin həlli istiqamətləri geniş müzakirə olunub.

İctimai Şuranın sədri, Azərbaycan Dövlət İqtisad Universitetinin rektoru, professor Ədalət Muradov tədbiri giriş sözü ilə açaraq sektorun əhatəli inkişafının təmin olunmasında Azərbaycan Mərkəzi Bankının və Azərbaycan Sığortaçılar Assosiasiyasının fəaliyyətini yüksək qiymətləndirdiyini bildirib. Qeyd edib ki, dövrün başlıca tələbi olaraq sığorta bazarı üzrə proseslərin bütünlüklə elektronlaşması sektorun müasir inkişaf istiqamətlərinin formalaşdırılmasına təkan verə bilər.

Azərbaycan Sığortaçılar Assosiasiyasının İcraçı direktoru Elmar Mirsalayev öz çıxışında sektorun mövcud vəziyyəti, inkişaf dinamikası, sığorta bazarını maraqlandıran məsələlər barədə danışaraq görülmüş işlər haqqında məlumat verib. İcraçı direktor sığorta sektorunun iqtisadiyyatda rolunun artırılması ilə bağlı həyata keçirilməsi nəzərdə tutulan layihələrdən də söz açıb.

Azərbaycan Respublikasının Mərkəzi Bankının Baş direktoru Ziya Əliyev çıxışında Şura üzvlərinə nəzarətedici orqan tərəfindən sektorun inkişafı istiqamətində atılan addımlar, həyata keçirilən təkmilləşdirmə işləri haqqında geniş məlumat verib. Bildirib ki, sektordakı mövcud boşluqların doldurulması və sığorta bazarındakı fəaliyyətin stimullaşdırılması ilə bağlı addımlar uğurla davam etdirilir.

Daha sonra İctimai Şuranın üzvləri ilə sığortaçılar arasında sığorta sektorunun hazırki vəziyyəti və mövcud problemlərin həlli ilə bağlı fikir mübadiləsi aparılıb.

Görüşdə avto-icbari sığortada tətbiq olunan təkmilləşdirmə işləri, Həyatın yaşam sığortasının üstünlükləri, ölkədə həyata keçirilən sığorta maarifləndirməsi layihəsi, sahibkarlara yönəlik yeni sığorta məhsullarının labüdlüyü, sığorta sektorunun ÜDM-dəki payının artırılması və ayrı-ayrı sığorta növləri üzrə penetrasiyanın yüksəldilməsi imkanları ilə bağlı məsələlər əsas müzakirə mövzuları olub.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin