Ürək-damar xəstəliklərinin müayinə və müalicəsi ilə bağlı 210-dan çox tibbi xidmət icbari tibbi sığorta hesabına göstərilir.
Sığortalı Azərbaycan xəbər verir ki, bunu İcbari Tibbi Sığorta üzrə Dövlət Agentliyinin Tibbi planlama departamentinin rəhbəri Hikmət İbrahimli “Kardioonkologiya: problemə müasir baxışlar” mövzusunda beynəlxalq elmi-praktik konfransda deyib.
O bildirib ki, bura aorta-koronar şuntlama əməliyyatı, ürək aparatlarının dəyişdirilməsi və təmini, digər kardiocərrahiyyə əməliyyatlar daxildir.
“Vətəndaşlarımızın belə dəyəri yüksək əməliyyatlardan ödənişsiz faydalanması bizi sevindirir. 2020-ci ildə müvafiq Kardiologiya xidmətləri almış əhali 1424 idisə, 2021-ci ildə 10793 nəfər olmuşdu. 2022-ci ildə isə bu rəqəm 29615-ə çatıb. Ürək cərrahiyəsi üzrə 2020-ci ildə 1230 nəfər olmuşdusa, 2021-ci ildə 8147, 2022-ci ildə isə 18181 nəfər olub. Uşaq cərrahiyəsinə gəlincə, 2020-ci ildə 76, 2021-ci ildə 283, 2022-ci ildə isə 331 uşaq icbari tibbi sığorta çərçivəsində əməliyyat olunub.
İlk dəfə keçən il Lənkəran Mərkəzi Xəstəxanasında ürək-damar cərrahiyyəsi şöbəsi açılıb. Gələcəkdə digər regionlarımızdakı xəstəxanalarda da bu şöbənin yaradılması nəzərdə tutulub”.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
