“A Qroup Sığorta Şirkəti”-nin cəmi aktivləri 15% artaraq 29,2 milyon manata çatıb

0
410
İşsizlikdən sığorta fondunun büdcəsi təsdiq olundu
İşsizlikdən sığorta fondunun büdcəsi təsdiq olundu

Tibbi sığorta üzrə ixtisaslaşan “A Qroup Sığorta Şirkəti” ötən ilin maliyyə hesabatını açıqlayıb. Sığortalı Azərbaycan xəbər verir ki, 2021-ci illə müqayisədə 2022-ci ildə sığorta şirkətinin xalis mənfəəti 17,7 dəfə azalıb.

Belə ki, sığorta şirkətinin əsas əməliyyat gəlirləri 25,6 milyon manat, o cümlədən birbaşa sığorta yığımları 24,6 milyon manat təşkil edib ki, bu da 2021-ci illə müqayisədə müvafiq olaraq 28,6% və 28,8% çoxdur. Sığorta şirkətinin cəmi gəlirləri isə 7,8% artaraq 22,1 milyon manata bərabər olub.

“A Qroup Sığorta Şirkəti”nin ötən il üzrə əsas əməliyyat xərcləri 15,9 milyon manat (2,6% çox), o cümlədən sığorta ödənişləri 12,8 milyon manat(9,4% çox), təkrarsığortaya verilmiş sığorta haqları üzrə xərclər 2,4 milyon manat (7,5% az), işlərin aparılma xərcləri 5,8 milyon manat (58,3% çox) təşkil edib.

Sığorta şirkətinin cəmi xərcləri isə 2021-ci ilə nisbətən 14% artaraq 21,9 milyon manat təşkil edib. Başqa sözlə, “A Qroup Sığorta Şirkəti”nin işlərin aparılması xərclərinin kəskin artması onun cəmi xərclərini artırıb, o cümlədən maliyyə mənfəətinin kəskin azalmasına təsir edib. Belə ki, ötən il sığorta şirkəti 71,5 min manat maliyyə mənfəəti əldə edib ki, bu da 2021-ci ilə nisbətən 17,8 dəfə azdır.

Sığorta şirkəti 14,3 min manat (2021-ci ilə nisbətən 18 dəfə az) mənfəət vergisi ödədikdən sonra ötən ili 57,2 min manat xalis mənfəətlə başa vurub. Halbuki, “A Qroup Sığorta Şirkəti” 2021-ci ili 1,01 milyon manat xalis mənfəət açıqlamışdı.

Bu il yanvarın 1-nə sığorta şirkətinin cəmi aktivləri 15% artaraq 29,2 milyon manata, cəmi öhdəlikləri 36,2% artaraq 17,7 milyon manata çatıb. Sığorta şirkətinin cəmi kapitalı isə 6,5% azalaraq 11,5 milyon manata enib.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin