Azərbaycan Mərkəzi Bankı etirazlara cavab verib – Açıqlama

0
447
Mərkəzi Bank 32 sığorta agentliyinin lisenziyasını dayandırıb
Mərkəzi Bank 32 sığorta agentliyinin lisenziyasını dayandırıb

Azərbaycan Mərkəzi Bankı avto-icbari sığorta şəhadətnamlərinin satışı üzrə sığortaçılar tərəfindən sığorta agentlərinə komissiya ödənilməsinin sıfırlanması barədə qaldırılan məsələyə münasibət bildirib.

Sığortalı Azərbaycan xəbər verir ki, “APA -Economics”in sorğusuna cavab olaraq Mərkəzi Bankdan qeyd edilib ki, sığorta bazarının mühüm iştirakçılarından biri olan sığorta vasitəçiləri institutunun inkişafı Mərkəzi Bankın sığorta sektorunun inkişaf strategiyasının hədəflərindən birini təşkil edir. Sığorta vasitəçiləri sığorta bazarının diversifikasiyası, sığorta xidmətlərinin satış kanallarının genişlənməsi, əhalinin və biznes nümayəndələrinin sığorta savadlığının yüksəlməsi, bütövlükdə sığorta bazarının iqtisadiyyatda nüfüzetmə göstəricisinin dərinləşməsi baxımından mühüm rola malikdirlər.

Sığorta vasitəçilərinin, o cümlədən sığorta agentlərinin sığorta bazarının genişlənməsində rolunun gücləndirilməsi məqsədilə onların sayının artması, habelə onların müasir bilik və bacarıqlarının inkişafı Mərkəzi Bankın prioritet verdiyi istiqamətlərdən biridir.

Son 3 ildə Mərkəzi Bank tərəfindən 111 sığorta vasitəçisinə, o cümlədən 97 sığorta agentinə müvafiq lisenziya verilmişdir. Sığorta vasitəçilərinin bazarda rolunun daha ətraflı qiymətləndirilməsi imkanının yaradılması məqsədilə onların Mərkəzi Banka hesabatlığı formaları zənginləşdirilmişdir. Sığorta vasitəçilərinin müasir bilik və bacarıqlara yiyələnməsi üçün digər maraqlı tərəflərlə birlikdə geniş, intensiv tədris və inkişaf proqramlarının həyata keçirilməsi planlaşdırılıb.

Vurğulanıb ki, sığorta bazarının digər iştirakçıları kimi sığorta vasitəçilərinin də bazarın dinamik dəyişən şərtlərinə, xüsusilə rəqəmsal texnologiyaların sürətli tətbiqi şəraitində sürətlə yenilənən bazar imkanlarına və biznes çağırışlarına çevik uyğunlaşmaları vacibdir. Hazırda sığorta bazarının genişlənməsi potensialının reallaşdırılması məqsədilə Mərkəzi Bank tərəfindən həyata keçirilən strategiya sığorta vasitəçilərinin inkişafı üçün də yeni imkanlar yaradacaq.

“Sığorta məhsullarının satışı üzrə xidmətlərinə görə sığorta vasitəçilərinə ödənilən komisyon muzdlar bazar prinsipləri, sığortaçı ilə sığorta vasitəçiləri arasında sərbəst razılaşma yolu ilə bağlanan müqavilə əsasında formalaşır. Qanun çərçivəsində bağlanan müqavilə şərtlərinin formalaşdırılmasında tərəflər sərtbəstdirlər” – AMB-nin açıqlamasında əlavə edilib.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin