“Qala Sığorta”-dan açıqlama

0
350
“Qala Sığorta”-da şok ayrılıq
“Qala Sığorta”-da şok ayrılıq

“Qala Sığorta” şirkəti 2022-ci il üzrə maliyyə göstəricilərini açıqlayıb. Sığortalı Azərbaycan xəbər verir ki, sığorta şirkətinin xalis mənfəəti ötən il 12,9% artaraq 10,6 milyon manata çatıb. Şirkət 2021-ci il üzrə 9,4 milyon xalis mənfəət açıqlamışdı.

Ötən il “Qala Sığorta” ASC-nin əsas əməliyyat gəlirləri 41,4 milyon (2021-ci ilə nisbətən 10,9% az), birbaşa toplanan sığorta haqqları 40,4 milyon manat (2021-ci ilə nisbətən 7,8% az) təşkil edib.

Bu dövrdə sığorta şirkətinin investisiya gəlirləri 13,6% artaraq 1,9 milyon manata, subroqasiya gəlirləri 52% artaraq 234,1 min manata, əkinə sair gəlirləri isə 15,2 dəfə azalaraq 133,3 min manata enib. “Qala Sığorta” ASC-nin cəmi gəlirləri isə 42,4 milyon manat təşkil edib ki, bu da 2021-ci ilə nisbətən 2,1% azdır.

Hesabat dövründə sığorta şirkətinin əsas əməliyyat xərcləri 24,4% azalaraq 15,5 milyon manata, o cümlədən sığorta ödənişləri 6,4% artaraq 6,02 milyon manata, təkrarsığortaya verilmiş sığorta haqqları üzrə xərclər 30,3% azalaraq 8,5 milyon manata bərabər olub. İşlərin aparılması xərcləri isə ötən il 22,7% artaraq 13,5 milyon manata yüksəlib. Sığorta şirkətinin cəmi xərcləri isə 29,1 milyon manat olub ki, bu da 2021-ci ilə nisbətən 8,2% azdır.

Gəlirlər xərcləri üstələdiyindən “Qala Sığorta”nın əməliyyat mənfəəti 13,4 milyon manata bərabər olub. 2021-ci illə müqayisədə bu, 15,5% çoxdur. Sığorta şirkəti bu dövr üzrə 2,8 milyon manat mənfəət vergisi (2021-ci ilə nisbətən 21,7% çox) ödəyib.

Sığorta şirkəti 2022-ci ildə 19,3% böyüyüb. Cari ilin yanvarın 1-nə sığorta şirkətinin cəmi aktivləri 52,887 milyon manatdan 63,089 milyon manata yüksəlib. “Qala sığorta”nın cəmi öhdəlikləri 17% artaraq 38,680 milyon manata, cəmi kapitalı isə 23,2% artaraq 24,408 milyon manata çatıb.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin