ASA ilə ABA arasında əməkdaşlıq Memorandumu imzalanıb

0
847
ASA ilə ABA arasında əməkdaşlıq Memorandumu imzalanıb
ASA ilə ABA arasında əməkdaşlıq Memorandumu imzalanıb

Sığortalı Azərbaycan xəbər verir ki, Azərbaycanda əhalinin və biznesin müxtəlif xarakterli risklərə qarşı müdafiəsinin gücləndirilməsi məqsədilə Azərbaycan Banklar Assosasiyası (ASA) və Azərbaycan Sığortaçılar Assosasiyası (ABA) tərəfindən genişmiqyaslı intensiv əməkdaşlıq platforması formalaşdırılıb.

Yeni əməkdaşlıq platforması bank müştərilərinin həyatı, sağlamlığı və əmlakı ilə bağlı mövcud olan risklərə qarşı sığorta təminatının genişləndirilməsi, bu məqsədlə müştərilərə dəyər qazandıran sığorta məhsullarının birgə inkişaf etdirilməsini və müştərilərə təqdim edilməsini nəzərdə tutur. 

Əməkdaşlığın həyata keçirilməsi məqsədilə ABA və ASA tərəfindən birgə layihə şurası təsis edilmiş, müxtəlif ekspert işçi qrupları formalaşdırılmışdır. 

Sözügedən platforma çərçivəsində ilk addım olaraq istehlak kreditləri müştərilərinin həyat sığortasının genişləndirilməsi nəzərdə tutulmuşdur. İstehlak kreditləri üzrə həyat sığortası müştərilərin ölüm və əlillik risklərinə qarşı əlverişli sığorta təminatını həyata keçirir. Bu məqsədlə uğurlu dünya təcrübələri dərindən öyrənilmiş, yerli xüsusiyyətlər tədqiq edilmiş, bu əsasda istehlak kreditləri müştəriləri üçün həyat sığortası mexanizminin daha əlverişli şərtlərlə formalaşdırılması qərara alınmışdır. Yaxın zamanlarda kredit həyat sığortası ilə bağlı yeni şərtlər tamamlandıqdan sonra ictimaiyyətə ətraflı məlumat veriləcəkdir.  

Qeyd edək ki, Azərbaycan Respublikasının Mərkəzi Bankı ölkədə maliyyə sabitliyinin qorunması, habelə maliyyə bazarlarının uzunmüddətli perspektivə hesablanmış davəyanıqlı inkişafının təmin olunması məqsədilə silsilə məqsədyönlü addımlar atır. Mərkəzi Bankın intellektual dəstəyi ilə banklar və sığortaçılar arasında formalaşdırılan yeni əməkdaşlıq platforması da bu addımlardandır.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin