Bu rayonda fermerlərə sığorta ödənişi ediləcək-800 min manat – Sığortalı Azərbaycan xəbər verir ki, Aqrar Sığorta Fondu Şəki rayonunda baş vermiş təbiət hadisələri nəticəsində fermerlərə ödənişlərin verilməsinə başlayıb.
Hadisə baş verən əkin sahələrinə Aqrar Sığotra Fondunun təyin etdiyi müstəqil aqrar sığorta ekspertləri tərəfindən 2 dəfə baxış keçirilib, əkin sahələrinə dəyən zərər hesablanıb və sığorta ödənişi təyin edilib.
Qeyd edək ki, Şəki rayonu Azərbaycanda aqrar sığortadan ən çox faydalanan rayonlardandır. Həm kənd təsərrüfatı ilə məşğul olaların sayının çox olması, həm də iqliminin qeyri-sabit keçməsi səbəbindən rayonda çox tez-tez aqrar sığorta hadisələri, əkin sahəsinə zərərlər qeydə alınır.
Bu il də baş verən təbiət hadisələri – qasırğa, fırtına, sel-subasma və dolu səbəbindən əkin sahələrinə çoxsaylı zərərlər dəyib və Aqrar Sığorta Fondu bu zərərlərin ödənişinə başlayıb.
İlkin məlumatlara görə, bu il Şəkidə 800 torpaq sahəsində hadisə qeydə alınıb, bu hadisələr üzrə gözlənilən ödənişlərin ümumi məbləği təqribən 800 min manat təşkpl edəcək.
Xatırladaq ki, 2022-ci ildə də Şəkidə böyük sayda sığorta hadisələri qeydə alınıb və ödəniş verilib. Belə ki, ötən il rayonda 185 fermerə ümumilikdə 500 min manat ödəniş edilib. Bu il isə həm ödəniş edilən fermerlərin sayı, həm də ödənişitn məbləği kəskin artıb.
Qeyd edək ki, Aqrar Sığorta Fondu ümumilikdə 48 bitki üzrə 29 riski sığorta edir. Taxıl bitkiləri və meyvə bağları ilə yanaşı, tərəvəzlər, tinglər, ağac və kollar da sığortalanır.
Nəticədə Şəki-Zaqatala bölgəsində, məsələn, 1000 manatlıq taxıl məhsulunun sığortalanması fermerə cəmi 20-22 manata başa gəlir.
Aqrar Sığorta Fondu kənd təsərrüfatı heyvanları və balıqçılıq təsərrüfatlarını da sığorta edir. Məsələn, 1000 manatlıq inəyin sığortası 31 manata, 300 manatlıq qoyunun sığortası isə 9 manata başa gəlir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
