PAŞA Həyat Sığorta artıq iş prosesində robotlardan istifadə edəcək

0
838
PAŞA Həyat Sığorta artıq iş prosesində robotlardan istifadə edəcək
PAŞA Həyat Sığorta artıq iş prosesində robotlardan istifadə edəcək

Lider həyat sığortası şirkəti olan PAŞA Həyat iş prosesinin daha effektiv təşkil edilməsi məqsədilə artıq RPA (Robotik Proseslərin Avtomatlaşdırılması) sisteminin tətbiqinə başlayıb.

Sığortalı Azərbaycan xəbər verir ki, 6 dekabr 2023 tarixindən etibarən şirkətin iş proseslərinin icrasında artıq birinci robot fəaliyyət göstərir. Belə ki, işçilərin icra etdiyi təkrarlanan rutin əməliyyat işlərini RPA icra edir. Bu robot sözügedən işləri icra etməklə əməkdaşların daha da yaradıcı və innovativ olmağına, dəyər qatan işlərə fokuslanmağına imkan yaradır.

Robot ilkin olaraq şirkətin maliyyə proseslərində tətbiq olunub. PAŞA Həyat bildirir ki, növbəti ildən şirkət yeni 2024-2026 strategiyası dövrünə başlayır və RPA sistemi şirkətdə yeni yaradılmış Biznes proseslərinin optimallaşdırılması mərkəzi çərçivəsində idarə olunacaq. RPA-lər şirkətdə olan innovativ yanaşmalar, yeniliklər, gələcək nəsil üçün prioritet olacaq süni intellekt istiqamətində ilk addımlardandır.

Hazırda isə şirkət 2021-2023-cü illəri əhatə edən Rəqəmsal Transformasiya strategiyasını yekunlaşdırmaq üzrədir. Ötən il ərzində yeni proseslər icra edilərək yeni məhsullar yaradılıb, Data Analitika, Agile idarəetmə, digər biznes proseslərin optimizasiyası istiqamətində bir çox layihələr həyata keçirilib.

Qeyd edək ki, Robotlaşdırma və ya RPA proqram robotlarına və ya süni intellektə əsaslanan biznes proseslərinin avtomatlaşdırılması texnologiyasıdır.

Lider sığorta şirkəti – “PAŞA Həyat Sığorta” ASC 2010-ci ilin noyabr ayından fəaliyyət göstərir. 31 dekabr 2022-ci il tarixinə şirkətin məcmu aktivləri 562 mln. AZN təşkil etmişdir. Şirkət müştərilərə müxtəlif həyat sığortası məhsulları, o cümlədən “İstehsalatda bədbəxt hadisələrin icbari sığortası”, yığım tərkibli “Həyatın yaşam sığortası” məhsullarını təklif edir.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin