Sığortalı Azərbaycan xəbər verir ki, Azərbaycanda əkin sahələrinə dəyən zərərlərə görə aqrar sığorta ödənişlərinə başlanılıb.
Bu barədə Aqrar Sığorta Fondunun Beyləqan və Ağcabədi icra hakimiyyətərinin dəstəyi ilə sözügedən rayonlarda keçirilən “Dayanıqlı fermer fəaliyyəti üçün aqrar sığorta” mövzusunda regional tədbirlərdə məlumat verilib.
Dekabrın 13-də Beyləqan rayonunda keçirilən fermerlərlə görüşdə rayon icra hakimiyyəti başçısının müavini İlqar Quliyev rayonda çoxsaylı təsərrüfatların olduğunu, o cümlədən müxtəlif növ bitkiçilik məhsullarının əkildiyini bildirərək fermerləri dövlətin təqdim etdiyi aqrar sığorta məhsulundan faydalanmağa çağırıb.
Tədbirdə çıxış edən Aqrar Sığorta Fondunun idarə heyətinin üzvü Roman Əmircanov bildirib ki, dövlət dəstəyi ilə tətbiq edilən aqrar sığorta vasitəsilə bitkiçilik, heyvandarlıq və balıqçılıq təsərrüfatlarını sığortalamaq mümkündür. Fermerlərə dəstək üçün aqrar sığorta haqqının 50%-ni dövlət ödəyir.
Tədbirdə fermerlərə əkin sahələri və heyvanların sığortası, o cümlədən sığorta tarifi və sığorta haqları, ödəniş prosesi haqqında ətraflı məlumat verilib, sualları cavablandırılıb.
Dekabrın 14-də Ağcabədi rayonunda təşkil edilən tədbirdə rayon icra hakimiyyəti başçısının müavini Toğrul Bünyatov bildirib ki, 2023-cü ildə müşahidə olunan qeyri-sabit hava şəraiti səbəbindən rayondakı təsərrüfatlara, xüsusilə pambıq sahələrinə zərər dəyib.
Eyni zamanda müxtəlif hadisələr, o cümlədən yanğın nəticəsində bəzi heyvandarlıq təsərrıfatları da böyük zərərlə üzləşiblər. T.Bünyadov bu hallarda dəyən zərəri qarşılamaq üçün fermerləri aqrar sığortadan faydalanmağa və təsərrüfatlarını sığortalamağa çağırıb.
Tədbirdə dövlət dəstəyi ilə təqdim olunan aqrar sığorta məhsulları, sığorta ödənişləri, əkin sahələrinə, o cümlədən pambıq sahələrinə zərər dəydiyi zaman hadisələrin araşdırılması, ödənişlərin verilməsi, müstəqil aqrar sığorta mütəxəssislərinin fəaliyyəti ilə bağlı geniş məlumat verilib.
Fermerlərə bildrilib ki, ötən ildən etibarən Aqrar Sığorta Fondu yağmur risklərini də qarşılayır və təsərrüfat sahələri cüzi məbləğdə (0,2%) əlavə ödənişlər edəək yağışın vurduğu zərərdn sığortalana bilərlər.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
