Sığortalı Azərbaycan xəbər verir ki, Azərbaycan Sığortaçılar Assosiasiyası, Azərbaycan Banklar Assosiasiyası, Azərbaycan Mikromaliyyə Assosiasiyası, Azərbaycan Fintex Assosiasiyası və Azərbaycan Fond Bazarı İştirakçılarının Assosiasiyasının birgə təşkilatçılığı ilə “NAİLİYYƏTLƏR VƏ ÇAĞIRIŞLAR” mövzusunda “AZƏRBAYCAN MALİYYƏ FORUMU” keçirilib.
Forumda maliyyə sektorunda fəaliyyət göstərən təşkilatların rəhbərləri və nümayəndələrinin iştirakı ilə ölkəmizdə maliyyə sektorunun inkişafı, xüsusilə də maliyyə vasitəçiliyi və inklüzivliyinin yüksəldilməsi, innovativ texnologiyaların tətbiqi imkanlarının genişləndirilməsi, habelə rəqəmsal maliyyə xidmətlərinin artırılması üzrə nailiyyətlər və qarşıda duran prioritetlər müzakirə olunub.
Forumda yerli sığorta bazarının peşəkar iştirakçıları “Sığorta bazarının inkişaf perspektivləri” adlı xüsusi paneldə sektorun mövcud vəziyyəti və hədəfləri istiqamətində müzakirə aparıblar.
ASA-nın İcraçı direktoru Elmar Mirsalayev in də giriş nitqi ilə açıq elan edilən Forumun müvafiq panelində ASA-nın Müşahidə Şurasının sədri/”PAŞA Sığorta” şirkətinin İdarə Heyətinin sədri Ülviyyə Cabbarova nın “Yerli sığorta bazarının yeni inkişaf meyilləri”, “PAŞA Həyat Sığorta” şirkətinin İdarə Heyətinin sədri Niyaz İsmayılovun “Həyat sığortası bazarında müasir çağırışlar”, “Qala Sığorta” və “Qala Həyat Sığorta” şirkətlərinin Direktorlar Şurasının sədr müavini Aydın Rəhmanovun “Sığorta sektorunun sağlamlaşdırılması və trendlər” və İcbari Sığorta Bürosunun İcraçı direktoru Rəşad Əhmədovun “Sığorta bazarına ictimai inamın artırılmasında icbari sığortanın rolu” mövzularında çıxışları dinlənilib.
Tədbirin sonunda Azərbaycan Maliyyə Forumu iştirakçıları tərəfindən Azərbaycan Respublikasının Prezidenti cənab İlham Əliyevin bütün sahələrdə həyata keçirdiyi siyasətini dəstəkləyən və onun davam etdirilməsini ifadə edən Bəyanat qəbul olunub.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
