“Yaşıl Kart” çərçivəsində 6 milyon manatdan çox sığorta ixrac edilib

2023-cü ildə Azərbaycan ilk dəfə “Yaşıl Kart” çərçivəsində 6 milyon manatdan çox sığorta xidməti ixrac edib.

Sığortalı Azərbaycan xəbər verir ki, Azərbaycanda 2023-cü ildə 57347 sığorta müqaviləsi rəsmiləşdirilib və həmin müqavilələr üzrə 10 milyon 131,25 min manat sığorta haqqı toplanıb. 2022-ci illə müqayisədə sığorta müqavilələrinin sayında 2.6 dəfə, sığorta haqlarında isə təqribən 3 qat artım müşahidə edilib. Artımın ən önəmli səbəbi 1 yanvar 2023-cü il tarixindən etibarən Gürcüstan və Qazaxıstan Respublikasında qeydiyyatdan keçmiş nəqliyyat vasitələrinə Azərbaycan Yaşıl Kartlarının satılmasıdır.

Belə ki, 2023-cü il ərzində Qazaxıstan və Gürcüstan qeydiyyatlı nəqliyyat vasitələri üçün 12335 sığorta müqaviləsi rəsmiləşdirilmiş və 6 milyon 144,9 min manat sığorta haqqı toplanıb. Həmin sığorta müqavilələrinin təqribən 9075 ədədi Qazaxıstan, 3260 ədədi isə Gürcüstan qeydiyyatında olan nəqliyyat vasitələrinə münasibətdə tərtib olunub. Beləliklə, dövr ərzində və ilk dəfə sistem çərçivəsində Azərbaycan sığortaçıları 6 milyon manatdan çox sığorta xidmətini ixrac ediblər. Müvafiq dövrdə Qazaxıstan və Gürcüstan qeydiyyatlı nəqliyyat vasitələrinin törətdikləri hadisələr üzrə 179,2 min manat sığorta ödənişi həyata keçirilib.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.